شارپرێس

وتەبێژى وەزارەتى دەرەوەى ئێران ڕایگەیاند، وڵاته‌كه‌ی نایه‌وێت گرژییه‌كان زیادبكات و جەختیکردەوە، کە وەڵامیان بۆ هەر جۆرە پێشێلکردنێکى هێڵە سورەکان دەبێت.

ناسر کەنعانى، وتەبێژى وەزارەتى دەرەوەى ئێران لە کۆنفرانسی هەفتانەى خۆیدا وتى: کۆمارى ئیسلامى ئێران وەڵامى توندى بۆ هەموو جۆرە پێشێلکردنێکى هێڵە سورەکان دەبێت.

کەنعانى ڕاشیگەیاند، هێرشەکانى ئێران بەپێى یاسا نێودەوڵەتییەکان بووە و لە چوارچێوەى بەرگری کردن لە خۆى بووە.

شەوەى ١٣ مانگ ئێران بە زیاتر لە ٣٠٠ درۆن و موشەک هێرشی کردە سەر ئیسرائیل، وەک کاردانەوەیەک دژ بە هێرشەکەى ئیسرائیل بۆسەر باڵیۆزخانەى ئێران لە دیمەشق.