ئۆپۆزسیۆن كاراكتەرێكی گرنگی فراوانكردنی مەوداكانی ئازادیە بەدیوەكەتریشدا وەك دژە ڤایرۆس وایە بۆ سیستەمی سیاسی و كارگێریی ھەروەھا ڕاگرتنی بڵانسی نێوان ھەرسێ دەسەڵاتی( داد. جێ بەجێكردن . تەشریعی ) ھۆكارگەلی بەگەڕٍخستن و ئەكتیڤبوونی دەسەڵاتە.دەتوانین بڵێن ئەو دەزگا زەبەلاحەیە كە دەسەڵات لە بەرامبەریدا بچووك دەبێتەوە و رێگای ستەمكاری لێدەگیرێت، بەڵام پرسیاری جددی ئێستا ئەوەیە ئۆپۆزسیۆن لای كورد ھەڵگری چ بنەمایێكە ئەگەر ئۆپۆزسیۆن بریتی بێت لە رێككەوتن و دابەشكردنی سەرمایەی مەعنەوی كە چەمكی خاوەندارێتی نیشتمانیە. لەڕووی خەباتی چەكداریەوە بەبێ لەبەر چاوگرتنی دەنگە جیاوازەكان ئەوە لێرەدا ئۆپۆزسیۆنی كوردی دەكەوێتە ھەڵەیەكی لۆژیكیەوە چونكە نەخویندنەوەی خەسڵەتە تازە سەرھەڵدراوەكانی سەردەم و نەفی نەكردنی قوناغە مێژوویەكانە.
خەسڵەتی دەنگە جیاوازەكان خەسڵەتێكی جێ بەخۆگرتەیە لەسەر چەمكی , عادل , خاوەنی فزوڵیەتی مەعریفی و مەھارات و ھەستیاری بەرامبەر ئامانجە باڵاكان .
وەك مۆدەیەكی فیكری سیاسی لەرێگای تەوازوعی مەعریفیەوە ئامادەیە لێپرسراوەتی ھاونیشتیمانی لە ئەستۆ بگرێ، ئۆپۆزسیۆن خۆی ئامادە دەكا بۆ تاقیكردنەوەی ژیانی عەقلی ورۆحی و وەك ئەندازیاری فیكری سیاسی وخەباتی سیاسی دەبێتە چاودێریكی راستەو خۆی سەكۆ.
واتە دەسەڵاتی كارگێری و ئەمجادی ئەو مێژوەی رەگە قووڵەكانی بۆ سیاقێكی زەمەنی درێژخایەن دەگڕێتەوە كە دەسەڵاتی باو ھەڵگریەتی،،
ئەوە لەروی فیكری سیاسیەوە ئەگەر لەروی لیاقەی سیاسیشەوە تێڕوانینی بۆ بكەین ئەوە خەسڵەتە تازە سەرھەڵداوەكان شوێنی ھزری توندو تیژوی دەرگیربووی كەسە سیاسیەكان دەگرێتەوە و لەشوێنی ئەو ئایدیا چەقبەستوانەدا دایەلۆگ وتەئویلی فیكری و تەحداكردنی دیدی نادروست بەرھەم دەھینێ،،
لەو سەریشەوە تەفسیرو تەفكیك و تێپەراندن شوێنی تەفسیری تەنك ودوورلە لۆژیك دەگرێتەوە،
بەڵام بەداخەوە كورد ئەم چانسەی نەبوو لە ھەبوونی ئۆپۆزسیۆن،، ئۆپۆزسیۆن بۆ كورد بەشێوەیەكیتر كەوتەوە، دوای ئەوەی زمانی دیالۆگ قرتێنرا, ھێز بووە سەنتەری بڕیار لەو حاڵەتەدا فەزای گشتی لەباربرا. حزبە بچووكەكان روەو كوچێكی بە كۆمەڵ بوونەوە بۆ ناو ھێزە گەورەكان و سەركردەكانیان پەرتبوون، لەوێدا زەبرێكی بەھێز لە پرۆسەی مەدەنی و دیموكراسی دراو ئەو لایەنە مەعریفیەی لەسەردەمی شاخ لە ئارادابوو كە نەیتوانی لە سیاقی زمانەوانیەوە دەربچێت بۆ مەیدانی پراكتیزە كردنەوە واتە تەرجەمەی ئەجێندا سیاسیەكەی لەرووی مەعریفیەوە لەسەر ئەرزی واقیعدا پەخش بكاتەو،،
تووشی ئەشكالیاتی مەرعریفی ھاتەوە. لەو كاتەوەی كە فەزای گشتی تەڵاقدرا، حزبی بێ زەوی یان دەبوایە ملی لە چەقۆ بدات یاخود لەگەڵ لایەنێكی خاوەن زەوی وەك ھەڵگرەوەی سێبەری دەسەڵات بمێنێتەوە و كار بۆ ئەجێندای سیاسی ئەم ھێزەوە بكات و ببێتە پرۆژە بۆ بەرامبەرەكەی وچەندین حزبی بچووكیش لەم چەشنە دروستكران لەلایەن حزبە خاوەن زەویەكان
پرسیارەكە ئەوەیە ئایا ئەو ترسەی دە سەڵاتی كوردی تا چەند ترسیكی مەشروعە بۆ لەبار ئۆپۆزسیۆن؟
ئەو سیحرە لەچییەوە سەرچاوەی گرتوە؟ ھەتا كوێش دەتوانی ئەم یارییە ترسناكە ئەنجام بدات. رەنگە ئەم پرسیارە لە چەند رەھەندێكەوە وەڵام بدرێتەوە بەشێكی زۆریشی گرێدراوی كۆمەڵگای كوردی بێت.كە وەھمی كوردبوونە ئەو وەھمەی كورد بوونە یەكێكە لەكاراترین كاراكتەر كە بە بیانووی كوردبوونەوە ھەموو رەنگەكان تێك و پێكدەشكێنێ. لەكاتێكدا پاراستنی چەمكی كوردبوون دوور و نزیك پەیوەندی بەوەوە نیە كە كام حیزب حاكمە لە كوردستان و جڵەوی دەسەڵات لەدەست كێ دایە، دەكرێ چەمكی نیشتمانپەروەری جیا بكرێتەوە لە حیزبە گەورەكان، چونكە ئەم رەوشەی كوردستان بەبێ ھەبوونی ئۆپۆزسیۆنێكی بەھێز زۆر ترسناكە بۆ ئاسایشی نەتەوەیی ئیستا ئیرادەبەكی بەھێز لە ناو ھێزەسیاسیەكاندا سەری ھەڵداوە بۆ پرۆسەی جاكسازی بەلام نازانین ئاخۆ تاكوێ دەتوانن ئەم ھێڵە سوورانە ببەزێنن , رۆحی مرڤی كوردی لەھەرەسەوە دەرباز بكە، بە پێی پێدراوەكانی سیاسی كوردستان دوور نیە وە ئەم رەوشەی ئێستا بەئاراستەی چارەسەرە ھەنگاو بنێت، نیەتێكی باشی ھەیە بۆ چاكسازی و بەجددیش كار لەسەر رەخنەكانی میدیاو ئۆپۆزسیۆن دەكرێت ، ئەو ھێڵە لاوازەی كە بە ھەبوونی ئۆپۆزسیۆنێكی جدی و میدیایەكی كارا ھەراسانەو دونیا لە ناو شووشەیەكی بجووكی فیكری دە دەبینێت و چاكسازی و فراوانكردنی مەوداكانی ئازادی گرێدەداتەوە بە چەمكی ئاسایشی نەتەوەیی و سیفەتی ھەمیشەیی بە خۆیان وحیزبەكانیان دەدەن ئەستێرەیان لە ئاوابووندایە،،، لە ناو ھێزە سیاسیەكان ، وە ئەو ھێزەی بەئاراستەی بوونیادنانی كۆمەڵگایەكی ئازاد و كراوەو سیستەمێكی سیاسی تەندروست كاردەكات كە لەجەوھەرو حیكمەتی ئۆپۆزسیۆن گەیشتووە ئێستا لە هەموو كات زیاتر دەستی كراوەیە،، بەم شێوەیە ئۆپۆزسیۆن دەبوژێتەوەو مەوداكانی پەیوەندیە كۆمەڵایەتیەكان وئازادیش فراوانتر دەبێتەوە ئەم فراوانكردنەی ھێڵی سورەش دەبێتە زامنی چەمكی نیشتمان پەروەری و شكۆمەندی بۆ كوردستان .
سەعدوڵڵا برایم خان
ئەم وتارە دەربڕی بۆچونی نووسەر خۆیەتی