محەمەد شیاع
سودانی سەرۆک وەزیرانی عیراق مووچەی مووچەخۆرانی هەرێم دەبڕێت و سزای دەسەڵاتدارە
گەندەڵەکانی هەرێم نادات، چونکە لەبەر هۆیەکی سادە، ئێستا لەبەردەم هەڵبژاردنی ئەنجومەنی
نوێنەرانی عێراقداین و ئەو دەزانێ کە بنکەی جەماوەری ئەو لە هەرێم نیە و دەنگەکانی
خەڵکی هەرێم بە کەڵکی ئەو نایەت تا ببێتەوە بە سەرۆک وەزیران، بەڵکو پێویستی بە دەنگی
پەرلەمانتارانی حزبە سیاسییەکانی کوردستانە کە دوای هەڵبژاردن دەنگی بدەن و ببێتەوە
بە سەرۆک وەزیرانی عیراق، بۆیە سزای خەڵکی هەرێم دەدات و چاوپۆشی لە دەسەڵاتدارانی
هەرێم دەکات کە سەبەبکاری سەرەکی ئەم دۆخی بێ مووچەییەی هەرێمی کوردستانن. لەپاڵ ئەوەش
بەم هەنگاوە نادادپەروەرانەی دەیەوێت سۆزی شەقام و بەشێک لەلایەنە سیاسییە عیراقییەکان
بۆ خۆی کەمەندکێش بکات تا بتوانێ لەهەڵبژاردنی (١١/١١ی ئەمساڵ)دا بایی ئەوە دەنگ و
کورسی بهێنێت کە بۆ جارێکی تر کورسی سەرۆک وەزیران بۆ خۆی مسۆگەر بکاتەوە..
ئەم وتارە دەربڕی بۆچونی نووسەر خۆیەتی