گومانەکان لەسەر ئەنجامدەری تەقینەوەکەی مەخمور زیاتر دەبن

sharpress.net

2062 جار خوێندراوه‌ته‌وه

07/12/2017‌

شارپرێس:
چەند گومانێکی نوێ لەسەر هێرشە تیرۆریستییەکەی شارۆچکەی مەخمور زیاتر دەبن.

شەوی ڕابردو چوارشەممە ٦ی کانونی یەکەمی ٢٠١٧ هێرشێک کرایە سەر کامپی پەنابەرانی باکوری کوردستان لە شارۆچکەی خورماتو کە بەهۆیەوە بە ٥ گەریلای هەپەگە شەهید بون و چەندین کەسیش برینداربون.

دوای ڕوداوەکەش چەندین گومانی جددی لەسەر ڕوداوەکە دروست بووە، بەتایبەت چەند شایەت حاڵێک لە ناوچەکە بە شارپرێسیان ڕاگەیاندوە "گومانی تەواویان لەسەر ئەوە هەیە کە ئەو هێرشە لە ڕێگای موشەکەوە لە ناوچەی باشیکەوە ئەنجام درابێت".

ئەو شایەت حاڵانە باسیان لەوە کردووە "ڕوناکی ئەو موشەکایان بینوە کە ئاڕاستەی ناوچەکە کراوە و گومان دەکەن کە هێرشەکە لەلایەن سوپای تورکیاوە لە ناوخۆی هەرێمەوە لەڕیگای موشەکەوە کرابێتە سەر بارەگاکانی پەکەکە لەو نزیکانەی کامپەکە".

هاوکات چەندین چالاکوانی تۆڕە کۆمەڵایەتییەکانیش لە فەیسبوک بڵاویان کردووەتەوە کە گومانی تەواو لەسەر ئەوە هەیە هێرشەکە لەڕیگای فڕۆکەوە ئەنجام درابێت.

هەروەها ئێوارەی ئەمڕۆش پێنج‌شەممە فەرماندەیی بڕیارگەی ناوەندی پاراستنی گەل- نەپەگە،بە فەرمی داوای لێکۆڵینەوە لەو روداوە کرد وهەروەها تورکیاشی بە ئەنجامدەری ئەو کردەوەیە ناساند.

تائێستاش لێکۆڵینەوە لە ڕوداوەکە بەردەوامە تا ئێستاش هیچ کام لەو گومانانە لەلایەن لایەنی فەرمیەو ەپشتراست نەکراوەنەتوە.

هـ ـ ر






ads

زۆرترین خوێندراوە

  • ڕۆژ
  • هەفتە
  • مانگ
ads
ads

ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved