شارپرێس:
کۆتایی ئەم هەفتەیە بە وادەی کردنەوەی ڕێگای
نێوان هەولێر و کەرکوک دیاریکرا.
ئەمڕۆ یەکشەممە سەرچاوەیەك لە پارێزگای
كەركوك بە ماڵپەڕی (بغداد الیوم)ی عیراقی ڕاگەیاندووە "ڕێگانی نێوان هەولێر-
كەركوك جارێكی دیكە لە سەرەتای مانگی ئازار بە ئامادەبوونی وەزیرانی ناوخۆی هەرێم
و عیراق دەكرێتەوە".
ئەو سەرچاوەیە ئاماژەی بەوەشداوە "ڕۆژی پێنج شەممە ١ی ئازاری
٢٠١٨ بە ئامادەبوونی وەفدی وەزارەتی
ناوخۆی هەرێمی كوردستان و حكومەتی عیراق دەكرێتەوە".
ئەوەش دوای ئەوە دێت کە لە دوای ڕووداوەكانی 16ی ئۆكتۆبەری ساڵی ڕابردوو،
لەكاتی هێرشی سوپا و حەشدی شەعبی بۆ نزیك هەولێر، پردی ئاڵتون كۆپری لە 20ی
ئۆكتۆبەر تەقێنرایەوە بۆ ڕێگری لە پێشڕەوی سوپا و حەشد بەرەو پایتەختی هەرێم و
دواتر ڕێگاكە بەتەواوی داخرا و ئێستاش ماوەی ٤ مانگ زیاترە ئەو ڕێگایە هیچ
هاتوچۆیەکی تێدا نەکراوە.
هـ ـ ر