شارپرێس:
بەرپرسێکی یەکێتی ڕایدەگەێنێت "رێکكەوتنێک لە ئارادایە بۆ کردنەوە بارەگای حیزبە کوردییەکان لەشاری کەرکوک".
ئەمڕۆ یەکشەممە مەلا كەریم شكور، بەرپرسی
مەڵبەندی حەمرینی یەكێتی لە لێدوانێکی ڕۆژنامەوانیدا ڕایگەیاندوە " هەوڵدەدەن
لە ماوەی داهاتوودا بارەگای حزبە سیاسییەكانی هەرێم بگەڕێنەوە خورماتو و هەماهەنگی
دروستبكەنەوە بۆ پاراستنی ئاسایشی زیاتر".
مەلا کەریم شوکور ئاماژەی بەوەداوە "دوای چوونی هێزی وەڵامدانەوەی
خێرا بۆ دوز دۆخی ئاسایشی قەزاكە باشتربووە و ئاوارەكانیش بەشێكیان گەڕاونەتەوە".
بەرپرسی مەڵبەندی حەمرینی یەكێتی ئەوەشی وتووە "ڕێككەوتن
نەكراوە لە نێوان كورد و حزبە سیاسییەكانی كورد و لایەنی عێراقیدا، بەڵام ڕێككەوتن
لەگەڵ حكومەتی عێراق كراوە و هەوڵیش دەدەین لە ماوەی داهاتوودا حزبە سیاسییەكان
بگەڕێنەوە و هەمانگی دروستبكرێتەوە بۆ پاراستنی قەزاكە".
ئەوەش دوای ئەوە دێت کە لە دوای ڕووداوەكانی 16ی ئۆكتۆبەرەوە، حزبە
سیاسییەكانی هەرێم بارەگاكانیان لە قەزای دوزخورماتوو چۆڵكرد و ئاوارەی هەرێمی
كوردستان بوون و بەشێکی زۆری بارەگاکانیشیان لەلایەن چەکداری میلیشیاکانی حەشدی
شەعبیەوە تەقێندراوەتەوە.
هـ ـ ر