شارپرێس:
نوسینگەی
رۆژنامەوانی وەزارەتی دارایی هەرێم ڕایدەگەێنێت "ئەو هەواڵانە دورن لە
ڕاستیەوە کە پاسەوانە تایبەتییەکان موچە بە شێوازی نوێ وەرناگرن".
ئەمڕۆ
چوارشەممە نوسینگەی ڕۆژنامەوانی ڕێباز حەملان وەزیری دارایی و ئابوریی
ڕاگەیاندراوێکی بڵاوکردووەتەوە و ڕایگەیاندوە "ئەو راپۆرتە هەواڵە دوور لە
ئیتیكی رۆژنامەوانی و بێ بەڵگەیە، بە بێ وەرگرتنی زانیاری و رای وەزارەتمان سەر
لەبەری راپۆرتەكە دوورە لە راستی و لە كۆبوونەوەكە هیچ بابەتێكی لەو جۆرە باس
نەكراوە."
دەقی
ڕوونکردنەوەکە:
لە گەشتی
هەواڵەكانی كەناڵی KNN راپۆرتە هەواڵێك بڵاوكرایەوە و تیایدا
هاتبوو كە گوایە لە پەراوێزی كۆبوونەوەی رۆژی سێ شەممەی رابردووی ئەنجوومەنی
وەزیران، وەزیری دارایی و ئابووری بە وەزیری ناوخۆی وتووە مووچەی هێزەكانی پۆلیسی
پاسەوانی بە سیستەمی نوێی مووچە دابەشنەكرێت.
ئێمە لە
نوسینگەی رۆژنامەوانی وەزیری دارایی و ئابوری رایدەگەینین "ئەم راپۆرتە هەواڵە
دوور لە ئیتیكی رۆژنامەوانی و بێ بەڵگەیە، بە بێ وەرگرتنی زانیاری و رای
وەزارەتمان سەر لەبەری راپۆرتەكە دوورە لە راستی و لە كۆبوونەوەكە هیچ بابەتێكی
لەو جۆرە باس نەكراوە".
هەروەها
لەسەرەتای چاككردنی سیستەمی نوێی مووچە وەزیری دارایی و ئابووری وتویەتی بە
فەرمانی ئەنجوومەنی وەزیران 10 ملیار دینار بۆ مووچەی وەزارەتی ناوخۆ دانراوە بۆ
پێداچوونەوە بە مووچە بە سیستەمی نوێ، وەزارەتی دارایی و ئابووری ئەو بڕە
پارەیەی بۆ وەزارەتی ناوخۆ ئامادەكردوە و لەسەر ئەو بڕیارە وەزارەتی ناوخۆ سەرپشك
كراوە بۆ دەستكاریكری سیستەمی نوێی مووچە.
بۆ وەبیر
هێنانەوەش سیستەمی نوێی مووچە سەرچاوەكەی 378 ملیار دیناری وەزارەتی سامانە
سروشتیەكان و 317 ملیار دیناری بەغدایە.
لە كۆتایدا
هیوادارین دامودەزگاكانی حكومەت و دەرونی مووچەخۆران تێكەڵ بە بانگەشەی
هەڵبژاردن و ململانێی حزبی نەكرێن.
هـ ـ ر