شارپرێس:
لە ئەنجامی چەند
چالاکییەکی گەریلاکانی هەپەگە لەدژی سوپای تورک لە برادۆست و جولەمێرگ، هەشت
سەربازی سوپای تورک کوژران.
ئەمڕۆ پێنجشەممە
ناوەندی ڕاگەیاندنی هێزەکانی پاراستنی گەل هەپەگە ڕایگەیاند "لە هەنگاوی
شۆڕشگێڕانی شەهید ئاگری و شەهید پیرۆزدا گەریلاکانمان چەند چالاکییەکیان ئەنجامدا،
دوێنێ کاتژمێر ٠٢:٢٠ خولەکی پاشنیوەڕۆ لەسەر گردی ئەڤدلکۆفیی برادۆست چالاکییەک
لەدژی سوپای تورک ئەنجامدرا، ژمارەی کوژراو و بریندارانی ئەو چالاکییە
نەزانراوە، کاتژمێر ٠٤:١٠ی پاشنیوەڕۆ گەریلاکانی یەژاستار لە گردی لێلکانی برادۆست
چالاکییەکی دیکەیان ئەنجامدا، لەو چالاکییەدا سێ سەربازی سوپای تورک کوژران".
ناوەندی
ڕاگەیاندنی هەپەگە ئاماژەی بەوەداوە "دوێنێ کاتژمێر ٠٦:٣٠ خولەکی ئێوارە
لەسەر گردی کۆردینەی سەربە چەلێی جولەمێرگ دوو چالاکی ئەنجامدرا، لەو چالاکییانەدا
سەربازێک کوژرا و گورز لە پێگەکانی سوپای تورک درا، سەرلەبەیانیی ئەمڕۆش کاتژمێر
٠٧:٣٠ خولەک لەسەر گردی شەهید ڕەحیمی گەڤەر چالاکییەی دیکە ئەنجامدرا، لەو
چالاکییەشدا سەربازێکی سوپای تورک کوژرا".
ناوەندەکەی
هەپەگە ئەوەشی وتوە "ڕۆژی ٢١ی ئایار کاتژمێر ٠٦:٠٠ی ئێوارە لە پیلموری سەربە
دەرسیم لەدژی زرێپۆشێکی سوپای تورک چالاکی ئەنجامدرا، لەو چالاکییەدا دوو سەرباز
کوژران و دووانیش بەسەختی برینداربوون، ٢٢ی ئایار کاتژمێر ١١:٠٠ی نیوەڕۆ هەر لەو
ناوچەیە چالاکییەکی بەقەناس ئەنجامدرا و لە ئەنجامدا سەربازێک کوژرا".
هـ ـ ر