چوار حیزبى دیکە لە باکوری کوردسان هاتنە بەرەی پشتیوانانی دەمیرتاش

sharpress.net

3805 جار خوێندراوه‌ته‌وه

13/06/2018‌

شارپرێس:
تا دێت بەرەی پشتیوانی سەڵاحەدین دەمیرتاس بۆ پۆستی سەرۆک کۆماری تورکیا فروانتر دەبێت و لەنوێترین پێشهاتیشدا چوار حیزبی دیکەی باکوری کورستان چونە ڕیزی پشتیوانانی دەمیرتاش.

ئەمڕۆ هەریەکە لە هەر یەک لە حیزبەکانى، حەرەکەتی ئازادی، پارتى ئازادیى کوردستان پاک – PAK، پلاتفۆرمی  دیموکراتی کوردستان پەدەکە – PDK و پارتی سۆسیالیستی کوردستان پەسەکە - PSK  هاوپەیمانێتییەکیان بە ناوى "هاپەیمانیى کوردستان بۆ هەڵبژاردن" پێکهێنا.


هاوپەیمانى کوردستان بۆ هەڵبژاردن رایگەیاند "بڕیاریانداوە هاوپەیمانى بۆ هەڵبژاردن بەرفراوان بکەن و داوایان لە دەنگدەرەکانیان کرد، کە لە خولی یەکەمدا دەنگ بە پاڵێوراوانى هەڵبژاردنى سەرۆکایەتیى کۆمار لە هاوپەیمانییەکانى جمهور (جەهەپە و ئی یى پارتی) و میللەت (ئاکەپە و مەهەپە) نەدەن".


هاوپەیمانیى کوردستان بۆ هەڵبژاردن ئاماژەی بەوەداوە "ئەردۆگان و حیزبەکەى گەڕاونەتەوە سەر سیاسەتەکانى پێشووى دەوڵەت و مافە بنەڕەتییەکانى کورد بە هەڕەشە لە دژى "داهاتووی دەوڵەت" دەزانن".


لە راگەیاندراوەکەدا ئەوەش هاتووە "نزیکەى ٢ ساڵە ئاکەپە لەسەر کێشەى کورد، لەبارەى ماف و ئازادییەکانەوە یەک قسەى نەکردووە و تەنانەت یەک وشەشی لە دەم نەهاتووەتە دەرەوە. لە جێى ئەوە پەسنى خۆی بە ئەنجامدانى ئۆپراسیۆن و کوشتن دەدات و شانازیى پێوە دەکات".


لە درێژەى راگەیاندراوەکەدا هاتووە "قسەکانى ئێستاى ئاکەپە و بەرنامەکانى هەڵبژاردنى ئەوە دەردەخات، کە درێژە بە سیاسەتە ترسناکەکەى دەدات".


هاوپەیمانیى کوردستان بۆ هەڵبژاردن ئەوەشى خستووەتەڕوو "لەبەر ئەوانە داوا لە گەلەکەمان دەکەین لە هەڵبژاردنی سەرۆکایەتیى کۆماردا دەنگ نەدەن بە ئەردۆغان، کە سیاسەتى فەرمیى نکۆڵیکردن و ئینکار و توانەوە و سڕینەوەی کورد بەڕێوەدەبات".


هاوپەیمانییەکە داواشى کردووە "جگە لە دەمیرتاش دەنگ بە هیچ یەک لە پاڵێوراوەکانى ترى سەرۆکایەتیى کۆمار نەدەن و ئەوەشیان نووسیوە "ئەو هەڵوێستەى ئێمە بوار دەڕەخسێنێت، کە لە خولی دووەمی هەڵبژاردنى سەرۆکایەتیى کۆماردا، دەستى کورد بەهێزتر بێت تاوەکو کورد ڕۆڵیکى چارەنووسساز بگێرێت".

هـ ـ 






ads

زۆرترین خوێندراوە

  • ڕۆژ
  • هەفتە
  • مانگ
ads
ads

ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved