شارپرێس:
ناجێگیری نرخی نەوت لەبازاڕەكانی جیهان بەردەوامەو لەكۆتا مامەڵەكانیش جارێكی تر نرخەكەی بەرزبووەوە.
بەپێی ئاژانسی رۆیتەرز، نرخی نەوتی ئەمریكا، لەكۆتا مامەڵەكانی رۆژ 86 سەنت بەرێژەی 1.18% بەرزبووەتەوەو هەر بەرمیلێكی بە 73.80 دۆلار مامەڵەی پێوەكراوە.
هەر بەپێی ئاژانسەكە، نرخی نەوتی پێوانەیی برێنتی جیهان، لەكۆتا مامەڵەكانی رۆژ 28 سەنت بەرێژەی 0.36% بەرزبووەتەوەو هەر بەرمیلێكی بە 77.11 دۆلار مامەڵەی پێوەكراوە.
بەدرێژایی هەفتەی رابردوو نرخی نەوت لەبازاڕەكانی جیهان ناجێگیربوو، ئەوەش بەهۆی بەردەوامی هەڕەشەكانی ئەمریكا بۆ گەمارۆدانی زیاتری ئێرانو كەمبوونەوەی بەرهەمی هەردوو وڵات.
هـ ـ ح