كرواتیا مێژووی نوسییەوەو بلیتی یاری كۆتایی بڕی

sharpress.net

586 جار خوێندراوه‌ته‌وه

11/07/2018‌

شارپرێس:
هەڵبژاردەی كرواتیا بە ئەنجامی 2 گۆڵ بەرامبەر بە گۆڵێك لە هەڵبژاردەی ئینگلتەرای بردەوەو توانی خۆی بگەیەنێت قۆناغی كۆتایی مۆندیالی 2018ی روسیا.

كاتژمێر 9:00ی شەوی چوارشەممە، هەڵبژاردەكانی كرواتیاو ئینگلتەرا لە یاری پێش كۆتاییدا بە یەك گەیشتن، كرواتیا یارییەكی زەحمەتی بەرامبەر بە ئینگلتەرا ئەنجامدا، بەڵام توانی مێژوو بنوسێتەوەو بلیتی یاری كۆتایی مۆندیال بۆخۆی مسۆگەر بكات. 

 سەرەتای یارییەكە ئینگلتەرا باشتر دەركەوت و توانی لە خولەكی 5 دا لە رێگەی یاریزان تیران كریبێر-ەوە گۆڵی پێشكەوتن تۆمار بكات.

بەڵام هەڵبژاردەی كرواتیا رێگەیان نەدا یارییەكە بەو ئەنجامە كۆتایی بێت و لەخولەكی 68 دا لە رێگەی یاریزان ئیڤان پیریسیچ-ەوە گۆڵی بەرامبەر بوونیان كردەوەو یاریەكە تا گێمی یەكەمی زیادكراو بەو ئەنجامە درێژەی كێشا، تاوەكو لە خولەكی 109 دا هێرشبەری هەڵبژاردەكە ماریۆ ماندزۆكیچ توانی گۆڵی پێشكەوتن و سەركەوتنی هەڵبژاردەكەی تۆماربكات.

كرواتیا یەكشەممەی داهاتوو لەگەڵ هەڵبژاردەی فەڕەنسا لە یاری كۆتاییدا بەیەك دەگەن لە پێناو جامەكەدا رووبەڕووی یەكدەبنەوە.

ه.م




ads

زۆرترین خوێندراوە

ads
ads

ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved