شارپرێس:
بەرێوبەری راگەیاندنی كۆمسیۆنی باڵای سەربەخۆی ھەڵبژاردن و راپرسی لە ھەرێمی كوردستان رایگەیاند، سبەینێ دووشەممە تیروپشك بۆ ژمارەی لیست و قەوارە سیاسییەكان ئەنجام دەدرێت كە ناوی خۆیان بۆ هەڵبژاردنی پەرلەمانی كوردستان تۆماركردووە.
شۆڕش حەسەن لە لێدوانێكی رۆژنامەوانیدا رایگەیاند، لە ئامادەكارییەكانیان بۆ ھەڵبژاردنی پەرلەمانی كوردستان بەردەوامن و سبەی دووشەممە تیروپشك بۆ لیست و قەوارە سیاسیەكان ئەنجام دەدەن.
ئاماژەی بەوەشكرد، 31 لیست و قەوارە بەشداری لە هەڵبژاردنی پەرلەمانی كوردستاندا دەكەن و سبەی ژمارەی سەردجەم لیست و قەوارەكان دەردەكەوێت.
بڕیارە 30ی مانگی (ئەیلول/9) هەڵبژاردنی پەرلەمانی كوردستان بەڕێوەبچێت، بەڵام تا ئێستا وادەی هەڵبژاردنی سەرۆكایەتی هەرێم و ئەنجومەنی پارێزگاكان دیارینەكراوە.
ه.م