شارپرێس:
گەریلاکانی هەپەگە لە ناوچەی بارزانی باشوری
کوردستان، لەدژی هێزەکانی سوپای تورک چالاکییان ئەنجامدا، لەو چالاکییەدا چوار
سەربازی سوپای تورک کوژران.
ئەمڕۆ، سێ‌شەممە ناوەندی ڕاگەیاندنی هێزەکای
پاراستنی گەل-هەپەگە ڕایگەیاند "لەبارەی چالاکیی گەریلاکان لە باشوری
کوردستان لەدژی سوپای تورک، ڕاگەیەندراوێکی بڵاوکردەوە".
ناوەندەکەی ڕاگەیاندنی هەپەگە ئاماژەی بۆ
ئەوەشکردوە "لە هەنگاوی شۆڕشگێڕانەی شەهید ئاگری و شەهید پیرۆزدا، دوێنێ
کاتژمێر ٠٧:٣٠ خولەکی ئێوارە، لە نزیک گردی بەیرەقی دەڤەری بارزانی باشوری
کوردستان چالاکییەک ئەنجامدرا، لەو چالاکییەدا چوار سەربازی سوپای تورک کوژران".
ناوەندەکەی هەپەگە ئەوەشی وتوە "گەریلاکانمان
لە هەنگاوی شۆڕشگێڕانەی شەهید دەلال ئامەد و شەهیدانی بەستا-دا، لە ڕێگای نێوان
شارۆچکەکانی کەربۆران و میدیاتی سەر بە مێردین چالاکییەکیان ئەنجامدا، لەو
چالاکییەدا هێڵێکی دابەشکردنی گازی سروشتی تێکشێنرا".
هـ ـ ر