شارپرێس:
گەریلاکانی هەپەگە لە مێردین، ئامەد و بەدلیس لەدژی
هێزەکانی سوپای تورک چالاکییان ئەنجامدا و گورزی توندیان لە سوپای تورک وەشاند.
ئەمڕۆ، چوارشەممە ناوەندی ڕاگەیاندنی هێزەکانی پاراستنی
گەل-هەپەگە، ڕاگەیەندراوێکی سەبارەت بە چالاکیی گەریلاکان لە ناوچە جیاوازەکانی
باکوری کوردستان بڵاوکردەوە.
ناوەندەکەی ڕاگەیاندنی هەپەگە ئاماژەی بەوەداوە "گەریلاکانمان
لە هەنگاوی شۆڕشگێڕانەی شەهید دەلال ئامەد و شەهیدانی بەستا-دا، ١٥ی تەموز کاتژمێر
١٢:٥٠ خولەکی نیوەڕۆ لەسەر ڕێگای نێوان میدیاتی سەر بە مێردین و هەزەخی سەر بە
شرناخ چالاکییەکیان لەدژی ئۆتۆمبێلێکی بەکرێگیراوەکان ئەنجامدا، ژمارەی کوژراو و
بریندارەکانی ئەو چالاکیەی نەزانرا".
ناوەندەکەی ڕاگەیاندنی هەپەگە ئەوەشی وتوە "کاتژمێر
١١:٣٠ خولەکی شەوی ١٢ی تەموز لەدژی سەرباز و بەکرێگیراوەکانی سوپای تورک لە
فارقینی ئامەد چالاکییەک ئەنجامدرا، لەو
چالاکییەدا دوو بەکرێگیراو کوژران".
لە بەشێکی دیکەی ڕاگەیەندراوەکەدا هاتووە باس لەوەکراوە "
١٦ی تەموز کاتژمێر ٠٥:٤٠ خولەکی سەرلەبەیانی لەسەر رێگای نێوان تەتوان و خیزانی
سەر بە بەدلیس لەدژی خاڵێکی سەربازەکانی سوپای تورک چالاکی ئەنجامدرا، لەو چالاکییەدا
گورزی توند لە دوژمن درا".
هـ ـ ر