یەكێتی ناوی كاندیدەكانی بۆ هەڵبژاردنی پەرلەمانی كوردستان ئامادەكردووە

sharpress.net

2554 جار خوێندراوه‌ته‌وه

21/07/2018‌

شارپرێس:
پێگەی فەرمی یەكێتی نیشتمانی كوردستان بڵاویكردەوە، كە حیزبەكەی ئامادەكاری تەواویكردووە ئامادەیە لەكاتی دیاریكراودا ناوی كاندیدەكانی پێشكەش بەكۆمسیۆن بكات.

پێگەكە بڵاویشیكردەوە، كە دەزگای هەڵبژاردنی یەكێتی ئەوەی راگەیاندووە، راستەوخۆ دوای هەڵبژاردنی پەرلەمانی عێراق، یەكێتی خۆی بۆ هەڵبژاردنی پەرلەمانی كوردستان ئامادەكردووەو ئامادەكارییەكانیشی بۆ هەڵبژاردنی پەرلەمانی كوردستان بەردەوامی هەیە.

ئەمە لەكاتێكدایە، كۆمسیۆنی باڵای سەربەخۆی هەڵبژاردن و راپرسی هەرێم كۆتا وادەی پێشكەشكردنی ناوی كاندیدی قەوارەكانی بۆ هەڵبژاردنی پەرلەمانی كوردستان راگەیاندووەو 25ی ئەم مانگە كۆتایی دێت.

هەڵبژاردنی پەرلەمانی كوردستان لە 30 ئەیلوولی داهاتوو بەرێوەدەچێت، كە لایەنەكان ئێستا سەرقاڵی ئامادەكارین بۆ ئەو هەڵبژاردنەو ناوی كاندیدەكانیان دیاریدەكەن.

هـ ـ ح






ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved