شارپرێس:
ده‌زگای ئاسایشی هه‌رێم دەستگیرکردنی ژمارەیەک جەکداری ڕاگەیاندوە کە
سەر بە داعشی راگەیاند.
ئەمڕۆ سێشەممە، دەزگای ئاسایشی هەرێم لە بەیاننامەیەکدا رایگەیاندوە "هێزەکانی ئاسایش لە
ڕۆژی (٢٩/٤/٢٠١٨) تۆمەتبار (م . م) کە بە ڕەچەڵەک کوردە لە ناوچەی پەڵکانە و
دوڕاجی دەستگیردەکەن، کە ھاوکاری چەکدارانی داعشی کردبوو لە سنوری پەڵکانە و
حەمرین و چەندینجار خۆراک و سوتەمەنی بۆ بردوون و چەندجارێکیش پارەیان پێداوە تا
پێداویستییەکانیان بۆ دابینبکەن و هەروەها ژمارەیەک کەسی دیکەشیان دەستگیرکردوە".
ده‌زگای ئاسایشی هه‌رێم ئاماژەی بەوەداوە
"ئەوانەی دەستگیرکراون ژمارەیان ٨ کەسە، یەکێک لە دەستگیرکراوەکان پلەی
ئەمیری هەبووە لەناو داعشدا و لە بنەڕەتدا دانیشتووی ناوچەکانی سەلمان بەگ و
قەرەتەپە بوون لە گەرمیان".
لە کۆتایی ڕاگەیەندراوەکەی دەزگای ئاسایشی
هەرێم باسی لەوەکردوە "لە ئۆپراسیۆنەکەیاندا دەستگیراوە بەسەر ١٤ چەکی جۆری
کڵاشینکۆف و ١٢٦ مینی شەخسی و ٢٠ کیلۆ تی ئێن تی و ٥ ھاوەن و چەند جۆرێک چەک و
تەقەمەنی تر".
هـ ـ ر