شارپرێس:
هاوپەیمانی ڕایدەگەێنێت "سەرقاڵی ئەنجامدانی رێکەوتنێکی سیاسین بە
ئامانجی چارەسەرکردنی تەنگژەکان و چاککردنی باری بژێوی خەڵك و رێکخستنەوە و سازدانی
تواناکانمان".
کەمێک لەمەوبە رد. ڕێبوار کەریم وتەبێژی هاوپەیمانی
دیموکراسی و داپەروەری ڕاگەیاندراوێکی بڵاوکردەوە و ڕایگەیاندوە "سەرقاڵی ئەنجامدانی
رێکەوتنێکی سیاسین بە ئامانجی چارەسەرکردنی تەنگژەکان".
د.ڕێبوار کەریم ڕایگەیاندوە "لای هەموتان ئاشکرایە هاوپەیمانی بە
راستگۆیی و بێ پێچ و پەنا هەڵوێستە سیاسییەکانی خۆی خستۆتەڕوو، لەمروەشەوە، بە
ئاشکرا، داوای دیالۆگی نیشتمانی کردو هەر زووش لەلایەن سەرجەم هێزە ئۆپۆزسیۆن و دەسەڵاتدارەکانەوە
پێشوازی لێکرا. ووتومانە و بەبێ دوو دڵی دەیلیینەوە کە ئەگەر و پێشهاتەکانی
کوردستان و عیراق دەخوازێ لەم دۆخە سیاسە چەقبەستووە دەرباز بین".
دەقی ڕاگەیاندراوەکە ...
ڕاگەیاندراوی وتەبێژی هاوپەیمانی دیموکراسی و داپەروەرییەوە
هاوڵاتیانی سەربەرزی کوردستان
خەڵکی هۆشمەندو تێگەیشتوو
لای هەموتان ئاشکرایە هاوپەیمانی بە راستگۆیی و بێ پێچ و پەنا هەڵوێستە سیاسییەکانی خۆی خستۆتەڕوو. لەمروەشەوە، بە ئاشکرا، داوای دیالۆگی نیشتمانی کردو هەر زووش لەلایەن سەرجەم هێزە ئۆپۆزسیۆن و دەسەڵاتدارەکانەوە پێشوازی لێکرا. ووتومانە و بەبێ دوو دڵی دەیلیینەوە کە ئەگەر و پێشهاتەکانی کوردستان و عیراق دەخوازێ لەم دۆخە سیاسە چەقبەستووە دەرباز بین . دواتریش لەم چوارچیوەیدا، هەنگاوی پراکتیکی بۆ نراو زنجیرەیەک کۆبونەوە بەڕێوەچووە. خۆ ئەگەر بانگەشەی هەڵبژاردن نەبوایە، رەنگە هەنگاوی گەورەتر بۆ رێکەوتنی سیاسی بەرفراوان بنرایە.
ئێستاش لەبەرئەوەی هاوپەیمانی بەشداری هەڵبژاردنی نەکردوە، هەربۆیە راستگۆیانە بەردەوامە لە هەنگاوەکانی و سەرقاڵی گفتوگۆیەکی تێروتەسەلی هەمەلایەنەیە لەگەڵ هێزە کوردستانی و عیراقییەکان لەپێناو کۆتاییهێنان بە قەیران و کێشەکان.
لەم نێوەندەشدا، لەسەر داوای کەسانی دڵسۆز و خەمخۆر و تیکۆشەرانی هاوپەیمانی و یەکێتی نیشتمانی کوردستان سەرقاڵی ئەنجامدانی رێکەوتنێکی سیاسین بە ئامانجی چارەسەرکردنی تەنگژەکان و چاککردنی باری بژێوی خەڵك و رێکخستنەوە و سازدانی تواناکانمان بۆ خزمەتی بەرژەوەندی گەل. کە چاوەڕوان دەکرێت دوای هەڵبژاردنەکان فراوان بکرێت بەرووی هێزە سیاسییەکانی دیکەدا.
هەرکەسیش بەهەر مەبەستێك هەوڵی شێواندنی ئەم راستییانە بدات، ئەوا درۆیەکی گەورەیەو هەوڵێکە بۆ خەڵەتاندنی خۆی و خەڵك لەپێناو کۆکردنەوەی چەند دەنگێکی کەمی هەڵبژاردن.
لەکۆتاییدا هاوپەیمانی دڵنیای خەڵك و هاودیدان دەکاتەوە کە پەیام و پرۆژەکەی بەردەوامەو سەرقاڵی خۆسازدان و خۆرێکخستنەوەیە بە ئاراستەی زیاتر بەهێزکردنی پێگەکەی و ئاراستەکردنی هاودیدانمان بەرەو کایەی خزمەتکردن و ریکخستنەوە و یەکخستنەوەی توانای هیزە چاکەخوازەکان. هیچ هەوڵێکی نەزۆکیش ناتوانێت ئامانجەکانی هاوپەیمانی بۆ دیهینانی لە حوکمرانی باش و دادپەروەر رابگرێت.
سەرکەوتوو سەرفراز بن
وتەبێژی هاوپەیمانی دیموکراسی و دادپەروەری
۱٤
هـ ـ ر