حكومەتی هەرێم بابەندی بەگەمارۆكانی ئەمریكا بۆ سەر ئێران دەردەبڕێت

کوردستان

05/11/2018‌ 769 جار خوێندراوه‌ته‌وه

شارپرێس:
سەفین دزەیی وتەبێژی حكومەتی هەرێمی كوردستان، پابەندی هەولێری بەگەمارۆكانی ئەمریكا بۆ سەر ئێران راگەیاند.

سەفین دزەیی لەمیانی لێدوانێكی رۆژنامەوانی ئەمڕۆ دوو شەممە رایگەیاند، وەك حكومەتی هەرێم پابەندی گەمارۆكانی ئەمریكان بۆ سەر ئێران.

وتەبێژی حكومەت راشیگەیاند، چەند پابەندییەك لەبارەی گەمارۆكان لەسەر حكومەتی عێراق هەیەو پابەند دەبێت پێیەوە، ئێمەش هاوشێوەی بەغدا ئەو ئەركانەی دەكەوێتە سەر شانمان جێبەجێی دەكەین.

ئەمڕۆ دوو شەممە دووەمین قۆناغی ئەو سزایانەی لە دوای كشانەوەی تاك لایەنەی سەرۆكی ئەمریكا، دۆناڵد ترەمپ لەرێككەوتنی ئەتۆمی لەگەڵ ئێران بەسەر ئەو وڵاتەدا سەپێندراوە، چووە بواری جێبەجێكردنەوە.

هـ ـ ح