شارپرێس:
یانەی کاشیما ئانتلەرزی ژاپۆنی نازناوی خولی یانە پاڵەوانەکانی ئاسیای بردەوە.

لە یاریی گەڕانەوەی کۆتایی چامپیۆنزلیگی ئاسیا، یانەی پرێسپۆلیسی ئێرانی لەنێو یاریگەی ئازادی و بە ئامادەبوونی جیانی ئینفانتینۆ، سەرۆکی فیدراسیۆنی تۆپی پێی جیهان میوانداریی یانەی کاشیمای ژاپۆنی کرد.

دوای زیاتر لە 90 خولەک یارییکردن و هێرش گۆڕینەوە لەلایەن یاریزانانی هەردوو، هیچ کامیان نەیانتووانی تۆڕی ئەوەی دیکە بهەژێنن و یارییەکە بەیەکسانبوون بەبێ گۆڵ کۆتاییهات، بەڵام بە سوود وەرگرتن لە یاریی چوون و بردنەوەی بە دوو گۆڵی بێبەرامبەر یانەی کاشیما ئانتلەرز، نازناوی پاڵەوانێتییەکەی بۆ یەکەمجار لە مێژوویدا بردەوە و بەبردنەوەی نازناوەکەش یانەکە بەشداری لە جامی جیهانی یانەکان دەکات.

هـ ـ ر