توركیا بڕیارەكەی ئەمریكا دژی سەركردەكانی پەكەكە بە"گاڵتەكردن" بەئەنقەرە دەزانێت

sharpress.net

4308 جار خوێندراوه‌ته‌وه

13/11/2018‌

شارپرێس:
سلێمان سویلۆی وەزیری ناوخۆی توركیا، قسەی لەسەر ئەو بڕیارەی ئەمریكا كرد، كە دژی سێ‌ سەركردەی پارتی كرێكارانی كوردستان پەكەكە دەریكردووە.

سلێمان سویلۆ لەمیانی لێدوانێكی رایگەیاند، كە ئەمریكا "گاڵتە" بەتوركیا دەكات، كاتێك بڕیار لەدژی سێ‌ سەركردەی پەكەكە دەردەكات‌و سزای دوو وەزیری توركی هەڵدەگرێت.

وەزیری ناوخۆی توركیا راشیگەیاند، ئەمریكا وا هەڵسوكەوتی كردووە، كە جیاوازی نییە لەنێوان ئەو وەزیرانەی توركیاو سەركردەكانی پەكەكە.

ئەمە لەكاتێكدایە، رۆژی سێ‌ شەممەی رابردوو ئەمریكا بڕی 12 میلۆن دۆلاری وەك خەڵات دیاریكرد ، كە زانیاری لەبارەی سێ‌ سەركردەی پەكەكە دەداتە واشنتۆن، بۆ ئەوەی بەئامانجیان بگرێت.

لەماوەی رابردووش لەكاتی گرژییەكانی ئەمریكاو توركیا، واشنتۆن سزای دوو وەزیری توركی دا، ئەوەش بەهۆی دۆسییەی دەستگیركردنی قەشەیەكی ئەمریكی.

هـ ـ ح







ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved