شارپرێس:
بەڕێوەبەری شارۆچكەی
سیدەكان رایگەیاندوە "بۆ ماوەی 45 خولەك توركیا تۆپبارانی چەند گوندێكی
سنوورەكەیانی كردووە".
ئیحسان چەلەبی،
بەڕێوەبەری شارۆچکەی سیدەكان راگەیاندوە "کاژێر 9ـی بەیانی ئەمڕۆ چوارشەممە
14-11-2018 ، توركیا تۆپبارانی شاخی دێل و سنووری گوندەكانی خەلیفان، سیران،
شێلكان و بڵەسەنانی كرد. تۆپبارانەکە 45 خولەكی خایاندووە، بەڵام خۆشبەختانە هیچ
زیانێكی گیانی و مادەی نەبوو".
بەڕێوەبەری شارۆچکەی
سیدەكان ئاماژەی بەوەشداوە "كاژێر 8:30 خولەكی بەیانی ئەمڕۆ هێزێكی پەكەكە لە
شاخی دێل هێرشیانكردە سەر سەربازگەی (قەرەقۆڵ) كە سەربازگەیەكی سوپای توركیایە لەو
شاخە و تۆپبارانەكە لە وەڵامی ئەو هێرشەی پەكەكە دا بووە".
هـ ـ ر