شارپرێس:
پارێزگاری سلێمانی ڕایگەیاند "لە سبەینێوە نرخی
بەنزین دادەبەزێت و لە داهاتووشدا بەپێی قۆناغبەندیی نرخەکەی زیاتر دادەبەزێت".
هەڤاڵ ئەبوبەکر پارێزگاری سلێمانی لە لاپەڕەی خۆی لە
تۆڕی کۆمەڵایەتی فەیسبووکی خۆی بڵاویکردووەتەوە "دوای هەوڵەکانیان بۆ
دابینکردنی سوتەمەنی و کەمکردنەوەی نرخی بەنزینی بازرگانی، بە هەماهەنگیی لەگەڵ
پاڵاوگە و بازرگان و وێستگەکانی سوتەمەنی پارێزگای سلێمانیدا، پرۆسەی دابەشکردنی
نەوتی سپی لەڕێی بەڕێوەبەرایەتی نەوت و کانزاکانی سلێمانییەوە بەردەوام دەبێت".
هەڤاڵ ئەبوبەکر ئاماژەی بەوەشداوە "لە سبەینێوە
شەممە (١٧ی تشرینی دووەمی ٢٠١٨) نرخی بەنزین دادەبەزێت بە جۆرێک لە قۆناغی
یەكەمدا بڕی ٢٥ دینار بۆ هەر لیترێك كەمدەكەنەوە و تا كۆتایی هەفتەكەش هەوڵدەدەن
نرخەكەی بگەڕێننەوە دۆخی پێشتر".
هـ ـ ر