شاكاری مەم و زین لە دیاربەكر نمایش دەكرێت

sharpress.net

142 جار خوێندراوه‌ته‌وه

28/11/2018‌

شارپرێس:
شاكاری مەم و زین كە لە لایەن زانای ئایینی و شاعیری كورد، ئەحمەدی خانی بە شێوەزاری كرمانجی سەروو نووسراوە لە دیاربەكری باكوری كوردستان نمایش دەكرێت.

شاكاری مەم و زین كە لە لایەن زانای ئایینی و شاعیری كورد، ئەحمەدی خانی بە شێوەزاری كرمانجی سەروو نووسراوە و لە لایەن جومعە بۆینوكارا كراتەوە شانۆگەری، هەروەها لە لایەن فرات ئایگون-یشەوە دەرهێنانی بۆ كراوە.
 
سەرجەم بلیتەكان بۆ ئامادەبوون لە شانۆگەری "مەم و زین" لە دیاربەكر فرۆشران.

لە شانۆگەریەكەدا كە گۆرانی و گفتوگۆی بە زمانی كوردی تیادایە بە گەرموگوڕییەوە لە لایەن هاووڵاتییانەوە پێشوازی لێ دەكرێت و تەنها لە هەشت نمایشی یەكەمدا، چوار هەزار كەس سەیریان كرد بەجۆرێك سەرجەم بلیتەكان بۆ ئامادەبوون لە شانۆگەرییەكە فرۆشراون.

 تا كۆتایی وەرزی نمایشەكە لە چەند هەفتەیەكی دیاریكراوی هەر مانگێكدا نمایشەكە بەردەوام دەبێت و بەرنامە بۆ ئەوە داندراوە تا كۆتایی وەرزەكە زیاتر لە 40 جار نمایش بكرێت.

گۆنجا ئێریغیت، بەڕێوەبەری هۆڵی شانۆگەری دەوڵەت لە دیاربەكر،  بە ئاژانسی ئانادۆڵی راگەیاند، "ساڵانی رابردوو مەم و زین لە وان بە دیداری بینەران شادبوو دوای ساڵانێك لێرەش بەرهەمەكە كرایە شانۆگەری و زۆر بە گەرموگوڕی پێشوازی دەكرێت".
ه.م






ads

زۆرترین خوێندراوە

  • ڕۆژ
  • هەفتە
  • مانگ
ads
ads

ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved