ئەو رووداوە مێژووییانەی دەماودەم باسكراوەو هیچ بنەمایەكی راستی تێدا نییە

sharpress.net

1045 جار خوێندراوه‌ته‌وه

29/11/2018‌

شارپرێس: حلمی رەسول رەزا 
نەوە یەك لەدوای یەكەكان باس لەهەندێك چیرۆك و داستانی مێژوویی دەكەن‌و وای دادەنێن ئەمانە "راستی مێژوویین"، بەڵام ئەو چیرۆك‌و گێرانەوە مێژووییە بەناوبانگانە هەر لەزوەوە بەدرۆخراونەتەوە، لەگەڵ ئەوەشدا وەك راستی مێژویی لە عەقلی خەڵكدا ماونەتەوە.

 چەند رووداوێكی مێژوویی هەیە، كە پێنج لەو رووداوانە بەناوبانگان‌و خەڵك باوەڕی پێدەكەن، بەڵام بەهیچ شێوەیەكی راستی نییەو تەنیا دەماودەم وەك ئەفسانەیەك باسكراوەو لەنەوەیەكەوە بۆ نەوەیەكی تر گوازراوەتەوە.

ناپلیۆن پۆناپۆرت لووتی پەیكەری ئەبو هەولی لەمسیر شكاندووە؟
شكاندنی لوتی پەیكەری ئەبو هەول یەكێكە لەو گێرانەوە مێژووییانەی بەهەڵە گواستراوەتەوە، بەوەی زۆر لەخەڵكی وای دادەنێن ئێمپراتۆری فەرەنسی بەناوبانگ ناپلیۆن پۆناپۆرت سەربازەكانی لەبەرانبەر ئەو پەیكەرەدا كۆكردووەتەوەو فەرمانی پێكردون تەقەی لێبكەن، بەڵام راستیەكەی ئەوەیە، كە مێژوونووسی میسری بەناوبانگ "المقریزی" باسی دەكات. 

ناوبراو چوار سەدە پێش ناپلیۆن لەدایك بووە و دەڵێت: "كەسێك بەناوی محەمەد سائم الدهر پیاوێكی سۆفی بووەو هەڵساوە بە شكاندنی لووتی ئەو پەیكەرە، چونكە بەبڕوای ئەو ، ئەوە بتەو لەوە ترساوە خەڵكی بیپەرستن".

كریستۆفەر كۆلمبس و دۆزینەوەی ئەمەریكا
دۆزینەوەی ئەمەریكا بە یەكێك لەرووداوە گرنگەكان دادەنرێت لەسەر ئاستی جیهان، بەم دۆزینەوەیە لەسەر زەیویەكی نوێ پاش ماوەیەك ئیمپراتۆریەتێك تێیدا سەری هەڵدا، كە جیهان بە هێزی چەك و بەرگری و ئابووری بەرێوەدەبات، ساڵی 1492 بەوەرچەرخان دادەنرێت لە مێژووی جیهاندا، لەم ساڵەدا ئەمەریكا دۆزرایەوە لەلایەن گەڕیدەی بەناوبانگ كۆلمبس، دیارە ئەم زانیارییە باوەو گێڕدراوەتەوە، كەچی زانیارییە نوێیەكان ئەم زانیارییانە رەتدەكەنەوە، چونكە پێش ئەو بەچەند سەدەیەك گەلی "فایكینگ" گەیشتوونەتە ئەو كیشوەرە، كە پێشتر نەناسرابوو.

ڤان كوخ‌و بڕینی گۆێی راستی
دەربارەی ئەم بابەتەی هونەرمەندی جیهانی مشتومڕێكی زۆری هێنایە كایەوە، ئاشكرایە ڤان كوخ تووشی نەخۆشی مێشك بووبوو، بەڵام راستەییەكەی ئەوەیە، ناوبراو لەگەڵ هاوڕێیەكی نزیكیدا بەناوی "بۆل گۆگان" دەبێت بەشەڕیان‌و چەقۆ بەڕوویدا دەردێنێت‌و لەوكاتەدا ئەو نەخۆشییە دەروونییەكەی سەرهەڵدەداتەوەو چەقۆكەی رووەو خۆی كردەوەو گوێی راستی لێكردەوە.

كیلۆپاترا، شاژنی میسر خەڵكی رەسەنی ئەو وڵاتە نییە
كیلۆپاترا، كە بە جوانی و بەهێزییەكەی بەناوبانگ بووە لە مێژووی میسری كۆندا، لەراستیدا لە دایك بووی میسر نییەو لە رووی رەسەنێتیەوە دەگەڕێتەوە بۆ وڵاتی یۆنان.

ئەنیشتاین لەبابەتی بیركاریدا تەمەڵ بووە
یەكێك لەسەرسوڕهێنەرترین پروپاگەندەكان لەناو خەڵكیدا ئەوەیە، كە زانای بەناوبانگی بواری فیزیا "ئەلێرت ئەنیشتاین" لەبابەتی بیركاریدا تەمەڵ بووە، بەڵام راستییەكە بە تەواوەتی پێچەوانەی ئەم قسەیەیە، چونكە نابراو شارەزاییەكی زۆری لە بیركاریدا هەبووەو تێیدا سەركەوتوو بووە بە پلەی باڵا و ئاواتی شیكاركردن و چارەسەركردنی بابەتە بیركارییە ئالۆزەكان بووە و رێگای تایبەتی هەبووە بۆ سەلماندنی بیردۆی فیساگۆرس.






ads

زۆرترین خوێندراوە

ads
ads

ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved