ئارسناڵ سه‌ركه‌وتنی به‌سه‌ر تۆتنهامدا تۆماركرد

sharpress.net

65 جار خوێندراوه‌ته‌وه

02/12/2018‌

شارپرێس:
ئێواره‌ی ئه‌مڕۆ یه‌كشه‌ممه‌، یانه‌ی ئارسێناڵ له‌ نێو یاریگای ئیمارات میوانداریی تۆتێنهامی كرد و یارییه‌كه‌ی به‌ ئه‌نجامی چوار گۆڵ به‌رامبه‌ر به‌ دوو گۆڵ لێبرده‌وه‌.

له‌ سه‌ره‌تای یارییه‌كه‌دا ئۆبامیانگ له‌ رێگه‌ی لێدانی په‌ناڵتییه‌وه‌ كه‌ له‌ خوله‌كی 10 دا جێبه‌جێی كرد گۆڵی پێشكه‌وتنی بۆ ئارسێناڵ تۆمار كرد، دواتر ئیریك دایر له‌ خوله‌كی 30 ئه‌نجامه‌كه‌ی بۆ تۆتێنهام یه‌كسان كرده‌وه‌.

هه‌روه‌ها له‌ خوله‌كی 34 هاری كه‌ین لێدانێكی پێناڵتی جێبه‌جێكرد و یانه‌ی تۆتێنهامی به‌ گۆڵێك پێشخست، دواتر له‌ گێمی دووه‌م رووداوه‌ گه‌وره‌كه‌ ده‌ستی پێكرد، له‌ خوله‌كی 56 ئۆبامیانگ گه‌ڕایه‌وه‌ و گۆڵی دووه‌می خۆی و دووه‌می ئارسێناڵی تۆمار كرد.

هه‌ردوو یانه‌ هه‌وڵی زۆریاندا بۆ تۆماركردنی گۆڵی زیاتر تاوه‌كو له‌ خوله‌كی 74 ئالێكسانده‌ر لاكازێتی هێرشبه‌ری فره‌نسی گۆڵی سێیه‌می بۆ ئارسێناڵ زیاد كرد.

پاشان له‌ خوله‌كی 77 لوكاس تورێرای ئۆروگوایی گۆڵی چواره‌می بۆ تۆپچییه‌كان كرد و به‌ ته‌واوه‌تی تۆتێنهامی به‌ره‌و بێهیوابوون برد.
ه.





ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved