UEFA پاڵەوانێتییەکی نوێ بۆ یانەکانی ئەوروپا رێکدەخات

sharpress.net

50 جار خوێندراوه‌ته‌وه

03/12/2018‌

شارپرێس:
یەکێتیی تۆپی پێی ئەورووپا (UEFA)رایگه‌یاند، لە وەرزی ٢٠٢١-٢٠٢٢ەوە بە دواوە، پاڵەوانێتییەکی نوێ لەسەر ئاستی یانەکان رێکدەخات.

یەکێتیی تۆپی پێی ئەورووپا (UEFA) لە راگەیەندراوێکدا رایگه‌یاند، لە وەرزی ٢٠٢١-٢٠٢٢ەوە، پاڵەوانێتییەکی دیکە، جگە لە خولی یانە پاڵەوانەکان و خولی ئەورووپا، رێکدەخرێت.

ئاماژه‌ به‌وه‌شكراوه‌، لە پاڵەوانێتییە نوێیەکەدا، ٣٢ یانە لە چوارچێوەی هەشت گرووپدا رکابەریی دەکەن و یارییەکان رۆژانی پێنجشەممە ئەنجامدەدرێن. ئەو یانانەی کە پێشەنگی گرووپەکانیانن، بە شێوەی راستەوخۆ دەپەڕنەوە بۆ قۆناغی ١٦.

ئەو یانانەی کە لە پلەی دووەمی گرووپەکانیاندان و ئەوانەش کە لە میانی خولی ئەورووپادا سێیەم بوون لە قۆناغی پلەی ئۆفی پاڵەوانێتییە نوێیەکەدا بەشداریی دەکەن و دوای ئەوەش یانە سەرکەوتووەکان دەگەنە قۆناغی ١٦.

لەدوای قۆناغی گرووپەکان، یارییەکان لەسەر شێوازی ماڵئاواییکردن لەدوای دۆڕان بەڕێوەدەچن و بەو شێوەیەش پاڵەوانی پاڵەوانێتییەکە دەست نیشان دەکرێت.

پاڵەوانی پاڵەوانێتییەکە، مافی ئەوە بەدەست دەهێنێت کە لە وەرزی دواتردا بەشداریی لە خولی ئەورووپادا بکات.
ه.م





ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved