شارپرێس:
سێ سەرۆكایەتییەكەی عیراق
تەئكید لە تەواوكردنی كابینەی حكومەتەكەی عادل عەبدولمەهدی دەكەنەوە.
ئەمڕۆ چوارشەممە
نوسینگەی ڕاگەیاندنی سەرۆكایەتی كۆماری عیراق ڕایگەیاندوە "د.بەرهەم ساڵح
سەرۆک کۆمار و د.عادل عەبدول مەهدی سەرۆک وەزیران و محممەد حەلبوسی سەرۆکی
پەرلەمانی عێراق کۆبونەتەوە".
نوسینگەی ڕاگەیاندنی
د.بەرهەم ساڵح ڕایگەیاندوە "لە كۆبوونەوەکەی هەر سێ سەرۆكایەتی كۆمار و ئەنجومەنی
نوێنەران و ئەنجومەنی وەزیراندا تاوتوێی
بارودۆخی سیاسی و ئابووری و ئەمنی و پرسی یاسادانان كراوە ,وە بەتایبەتیش پرسی تەواوكردنی
كابینەی حكومەت لە وادەی یاسایی و دەستووری خۆیدا".
نوسینگەی سەرۆک کۆماری
عێراق وتوشیەتی "د. بەرهەم ئەحمەد ساڵح سەرۆك كۆماری عیراق تەئكیدیكردۆتەوە لەسەر
یەكڕیزی نیشتمانی و تەواوكردنی كابینەی حكومەت لە وادەی دەستووریدا , هەروەك بەگرنگییەوە
باسی چڕكردنەوەی هەوڵەكان و كاری هاوبەشی كردووە لە نێوان هەموو لایەنەكان و دوور
كەوتنەوە لە چەقبەستوویی سیاسی و هێرشی راگەیاندن لە نێوان لایەنە سیاسیەكان هەروەها پاراستنی یەكریزی نیشتمانی و دەستكەوتەكانی
دیموكراتی بەو جۆرەی كە لە خزمەتی عیراق و گەلەكەی دابێت".
هـ ـ ر