خواردن‌و خواردنەوە شەكردارەكان مەترسی لەسەر مێشك دروست دەكات

sharpress.net

330 جار خوێندراوه‌ته‌وه

21/12/2018‌

شارپرێس:
شەكر جگە لەوەی، كە كەسەكە توشی قەڵەوی و نەخۆشییەكانی شەكرە دەكات،  لەپاڵ ئەمانەشدا خواردنی خواردن‌و خواردنەوە پڕ لەشەكرو نیشاستەدارەكان هەندێك گرفت و كێشە لە كاركردنی مێشك وەك كەمبوونەوەی هێزی یادگە و لاوازی چالاكییەكانی ناسینەوەشی بەدواوە دێت.

ئەنجامی لێكۆڵینەوەیەكی نوێش پیشانیدەدات، خواردن‌و خواردنەوە شەكردارەكان نەك تەنیا مرۆڤەكان قەڵەو دەكەن، بەڵكو كاریگەری ڕووخێنەریش لەسەر مێشك دروستدەكەن.

بەپێی شارەزایان لەگەڵ ئەوەی هەموو جۆرە شەكرەكان زیانبەخش نین، ئاماژە بەوەش دەكەن، جەستە زۆربەی مادەی خۆراكی وەرگیراو بەشەكر دەگۆڕێت، بە شەكری بەسوود یان گڵۆكێز لەبەكارهێنانی كاربۆهیدراتەكانەوە بەدی دێت.  

دووەمین جۆری شەكر مەوادی شەكرداری فڕۆكتۆسدار (Fructose)ە، فرۆكتۆسی وەرگیراو لەڕێگەی بەكارهێنانی میوەكان‌و سەوزەواتەوە زیانێكی زۆری نابێت، بەڵام بەكارهێنانی ئەو لە پاڵ هەنگوین و خواردنەوە شەكردارەكان‌و هەر جۆرە خۆراكی پاڵفتەكراویتری پڕشەكر، زیان بە تەندروستی دەگەیەنێت. 

فرۆكتۆس لەوروژاندنی هۆرمۆنەكانی هاوشێوەی ئەنسولین كە یارمەتی هەستی تێربوۆن لە كەسەكە دەدات، بێتوانایە.

مادەی شەكردار، وەك ماددەیەكی هۆشبەر كار دەكەن، تەنیا بەكارهێنانی بڕێكی كەم لە مادەی شەكردار دەبێتە هۆی ئەوە، كە مێشك مادەی دوپامین (Dopamine) تەڕەشوح بكات، كە هەر ئەم مادەیە دەبێتە هۆی بزواندنی هەستی برسێتی لە كەسەكەدا.

لەلێكۆڵینەوەیەكدا دیاریكرا كەسانێك كە لە مەوادی پڕ لە فرۆكتۆس سوودیان بینیبوو، بە بەراورد لەگەڵ بەكارهێنەرانیتر كە مەوادی گڵۆكێسداریان بەكارهێنابوو، هەستی برسێتی زۆرتر و خواردنی خۆراكی زیاتریان دەكرد.

مادەی شەكردار هەروەها دەبێتە هۆی ڕزین و سوانی پێستیشەوە، كە لەم دۆخەشدا كاریگەری لەسەر شیكردنەوەی دوو بەشی پێست بەناوی  كولاجین ( collagen ) و ئێلاستین( Elastin) لە پێستدا دەكات.

جگە لەوە لەگەڵ پەیدابوونی چرچی‌و لۆچی لەسەر پێست، شێوازێك بۆ دەرمانكردنی ئەو بوونی نیە، كە باشترین ڕێگا بۆ چاكبوونوەی ئەم بەشە چرچولۆچانە، وازهێنان لە مەوادی شەكردارە.

لە زیانەكانیتری بەكارهێنانی موادی شەكردار لەنێوبەری هەستەوەرە ڕێگریكارەكانی زۆرخواردنە. بەگووتەی كارناسان بەكارهێنانی زیاد لەڕادەی مەوادی شەكردار ڕێگری لە چالاكیی هەستەوەرە بەرگریكارەكانی زۆرخواردن دەكات.

هەروەها پڕۆسە و فاكتۆری(Brain-Derived Neurotrophic Factor = جۆرە پڕۆتینێكە BDNF)لە مێشكدا بۆ پەیوەندیكردن و دروستبوون یادگەی نوێدا یارمەتیدەرە،

كاتێك كە ئاستی ئەم فاكتۆرە نزم بێت، مێشك لە فێربوونی ئەم بابەتە نوێیانە بێتوانا دەبێت.

بەپێی هەواڵێكی مێدیكال مەیلی، جگە لە لابردنی مەوادی شەكردار لە خواردن وەكوو وازهێنان و تەرك كردنی مەوادی هۆشبەر لە كەسی تووشبوووی ئەم مەوادانە، هاوشێوە كاریگەرییەكی ئەرێنی دەبێت، كە یەكەمین هەنگاو بۆ ئەم مەبەستە گۆڕینی شێوازی خواردنەكانمانە.






ads

زۆرترین خوێندراوە

  • ڕۆژ
  • هەفتە
  • مانگ
ads
ads

ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved