ئەپڵ بڵاوكردنەوەی نەوەی پێنجەمی ئایفۆن بۆ ساڵی 2020 دوادەخات

sharpress.net

169 جار خوێندراوه‌ته‌وه

27/12/2018‌

شارپرێس:
لەگەڵ هەموو ئەو پلاندانانەی، كە هەندێك كۆمپانیای دروستكردنی موبایلی زیرەك بۆ بەرهەمهێنانی موبایلی نۆێ هەیانە، بەڵام وادیارە كۆمپانیای ئەپڵApple  بۆ ساڵی نوێ‌ وەها ئامانجێكی نییە.

ئاژانسی ڤێرجVerge  بڵاویكردەوە، كۆمپانیای ئەپڵ دەیەوێت ساڵی داهاتووش هەندێك ئایفۆن پێشكەش بكات، كە تەنیا بە ستاندەرەكانی نەوەی چوارەمەوە پەیوەندو پەیوەست بێت‌و پێشكەشكردن ئایفۆنی نەوەی پێنجەمی خۆی تا ساڵی 2020 دواخست.

لەگەڵ ئەمانەشدا هەواڵەكان وادیارە بۆ ڕكەبەرەكانی ئەم كۆمپانیایە پێچەوانەیەو ئەوان موبایلی زیرەكی نەوەی پێنجەم خەریكە دەخەنە نێو بازاڕەكانەوە، كە دەتوانین لە نموونەی ئەو ئاماژە بەسامسۆنگ بكەین، كە ئەو كۆمپانیایە بەهاوكاری ڤێریزۆن Verizon موبایلی وەچەی پێنجەمی خۆی لە ساڵی 2019ەدا پێشكەشدەكات.

هەروەها كۆمپانیای intel و  Huaweiیش خەریكی داڕشتنی پڕۆگرام بۆ بەرهەمهێنانی وەچەی پێنجەمی موبایلە زیرەكەكانی خۆیانن.

كارناسانی بواری تەكنۆلۆجیا دەڵێن، كۆمپانیای ئەپڵ لەبواری خستنەكاری تەكنۆلۆجیای نوێوە خاوتر وهێواشتر لە ڕكەبەرەكانی هەنگاو دەنێت، كە هەر ئەمەش مەترسیی كەمكردنەوەی پشكی ئەوی لە بازاڕەكانی موبایلی زیرەكی جددیتر لە پێشووتر كردووە.






ads

زۆرترین خوێندراوە

  • ڕۆژ
  • هەفتە
  • مانگ
ads
ads

ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved