پاقلە لەگەڵ بوونی چەند زیانێك سوودێكی زۆری بۆ جەستە هەیە

sharpress.net

2377 جار خوێندراوه‌ته‌وه

01/01/2019‌

شارپرێس:
پاقلە بەزۆری بەشێوەی شلە‌و كۆڵاندن‌و شككراوی دەخورێت‌و بەكاردەهێنرێت، كە كۆمەڵێك سوودو زیانی بۆ جەستەو تەندروستی مرۆڤ هەیە.

پاقلە یارمەتیدەرە لە چارەسەركردنی پەستانی خوێن
یەكێك لەتایبەتمەندییەكانی كۆنتڕۆڵكەری پەستانی خوێنە، لەبەر ئەوە خواردنی ئەو بۆ كەسانی تووشبوو بەپەستانی خوێن بەرزی (زەخت) سوودبەخشە.

زیادكردنی وزەی سێكسی
پاقلە، لەزیادكردن‌و بەهێزكردنی حەزی سێكسی كاریگەری هەیە و بەشێوەیەكی گشتییش بەكارهێنانی ئەو بۆ بەهێزكردنی هێزی جەستەو ڕێگریكردن لە لاوازی سوودبەخشە.

یارمەتیدانی كەمخوێنی
بەپێچەوانەی بیركردنەوەی زۆر خەڵك یەكێك لەزیانەكانی پاقلە ئەوە دەزانرێت، كە كەمخوێنت دەكات، بەڵام بەپێچەوانەوە ئەم ڕووەكە بەهۆی هەبوونی مادەی فسفۆڕ و كەلسیۆم و ئاسن ڤیتامینەكانی A.B.C یەكێك لەخۆراكە بەهێزو خوێن دروستكەرەكان بەهەژمار دێت، بەو مەرجەی لەخواردنی ئەودا زێدەڕۆیی نەكرێت.
 
سوودبەخش بۆ نەخۆشانی پاركینسۆن Parkinson's Disease
یەكێك لەگرنگترینی ئەو تایبەتمەندییانەی، كە تا ئێستا لە سەرچاوەی زانستییەوە بۆ پاقلە ئاماژەی پێكراوە، تایبەتمەندی دژە پاركینسۆنییەتی‌و هۆكاری ئەویش بوونی بڕێكی زۆر لەماددەی L-Dopa لەم ڕووەكەدایە.

سوودبەخش بۆ نەخۆشانی تووشبوو بە بەردی گورچیلە
یەكێكی تر لەتایبەتمەندییەكانی بەردی گورچیلە تایبەتمەندی دیوریتیكی Diuretic ئەوە، لەمڕووەوە بەكارهێنانی ئەو بۆ تووشبوانی بەردی گورچیلە سوودبەخشە.

زیانەكانی پاقلەو ڕاسپاردە پزیشكییەكان لەبارەی ئەم ڕووەكەوە
پاقلە بڕێكی زۆر ماددەی تیرامینی تێدایەو كەسانێك كە دەرمانی خۆڕاگرێتی هاوشێوەی فینزیلین، ئیزۆكاربۆكسازید و تووشبوانی بەمیگرێن، دەبێت لە بەكارهێنان و خواردنی ئەو بەدوور بن.

زۆر لە خەڵكانی ناوچەی مدیتەرانەو ناوچە سەوزەڵان و سروشتییەكان، تووشی جۆرە خەلەلێكی جینەتێكی بەناوی كەمێتی D6PDن، ئەمجۆرە كەسانە گەر پاقلە بەكاربێنن، تووشی هێرشی كەمخوێنی ناسراو بەنەخۆشی فاوویسم (Favism) دەبن.

هۆكاری نەخۆشی فاوویسم (Favism )، هەندێك مادەی ئۆكسیدەی نێو پاقلەیە، كە بۆ خڕۆكە سوورەكانی خوێن مەترسیدارە. 

پێویستە ئەمجۆرە كەسانە لەخواردنی پاقلە دوور بكەونەوە. نەخۆشیی فاویسمی بەزۆری لە پیاواندا بەرچاو دەكەوێت و لەژناندا بوونی ئەم نەخۆشییە كەمترە.

لەزیانەكانی تری پاقلە تێكدانی خەوی كەسەكانە، لەبەر ئەوە باشترە كەسانێك لە خواردنی ئەو لەشەودا دوور بكەونەوە.

پاقلە غازات دروستدەكات، لەبەرئەوە ڕاسپاردە دەكرێت ئەو لەگەڵ كەرەستەی بۆنخۆشی وەك نەعنا و ئەزبێلە و ماددەی تامدار و بۆنخۆش و دژە غازاتی تر بەكاری بێنن، بەگشتی-یش ڕێژەی مادە و پێكهاتە سودبەخشەكانی بەمشێوەیەی خوارەوەیە.

چەوری: 0/35
پڕۆتین: 7/6
كاربۆهیدرات:19/6
شەكر:1/8
فیبر:5/5
سۆدیۆم:4/7
پتاسیۆم: 266میلیغەرام
كەلسیۆم:36میلیغەرام
ئاسن:1/5
مەنیزیۆم: 43میلیغەرام
مەنگنێز: 0/42
ڤیتامین بی: 0/0726
نیاسین:0/711
 فولات:104میكڕۆ غەرام
وزە: 110كیلۆكەلۆری





ads

زۆرترین خوێندراوە

  • ڕۆژ
  • هەفتە
  • مانگ
ads
ads

ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved