ماركا میسی بە باشترینی 2018 دەستنیشان دەكات

sharpress.net

94 جار خوێندراوه‌ته‌وه

02/01/2019‌

شارپرێس:
جارێ:ی تر رۆژنامەی ماركای ئیسپانی لیۆنێل میسی ئەرجەنتینی‌و یاریزانی یانەی بەرشەلۆنەی وەك باشترین یاریزانی ساڵی 2018 دیاریكرد.

رۆژنامەی ماركا لەئەنجامی راپرسییەك لیۆنێل میسی بە باشترین یاریزان دیاریكردبوو، كە ساڵی 2017ش بەهەمان شێوە بە باشترین دیاریكرابوو.

میسی لەنێوان 100 یاریزان وەك باشترین یاریزان دەستنیشانكراوە، كە ئەو یاریزانە ئەرجەنتینییە پێش هەریەكە لەیاریزانان لۆكا مۆدریچی كرواتی‌و یاریزانی یانەی ریاڵ مەدریدو كریستیانۆ رۆناڵدۆی پرتوگالی‌و یاریزانی یانەی یۆڤانتۆس كەوتووە.

لەریزبەندییەكە كریستیانۆ رۆناڵدۆ پلەی چوارەمی وەرگرتووەو پلەی دووەم بۆ لۆكا مۆدریچ بووەو ئەنتوان كریزمانی فەرەنسی‌و یاریزانی یانەی ئەتلەتیكۆ مەدرید لەپلەی سێیەمەو پلەی پێنجەمیش بۆ كیلیان مباپی فەرەنسی‌و یاریزانی یانەی پاریس سان جێرمان بووەو پلەی شەشەمیش بۆ محەمەد سەلاحی میسری‌و یاریزانی یانەی لیڤەرپوڵ بووە.

هەرچی پلەكانی ترە ئیدن هازاردی بەلجیكی‌و یاریزانی یانەی چیڵسی لەپلەی حەوتەم بووەو رافائێل ڤارانی فەرەنسی‌و یاریزانی یانەی ریاڵ مەدرید لەپلەی هەشتەم بووەوهاری كینی ئینگلیزی‌و یاریزانی تۆتنهام لەپلەی نۆیەم بووەو كیڤن دی برۆینی بەلجیكی‌و یاریزانی یانەی مانچستەر سیتی-یش پلەی دەیەمی وەرگرتووە.

هـ ـ ح







ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved