نهێنییەكان لەزاری لێكۆڵەرێكی باڵای CIA ئەمریكی
لێپرسینەوە لەسەدام.. چیرۆكی ناسینەوەی دیكتاتۆرەكەی عێراق لەساتی دەستگیركردنیدا

sharpress.net

1444 جار خوێندراوه‌ته‌وه

02/01/2019‌

شارپرێس: بەشی دووەم
لەبەشی ڕابردوودا پێشەكییەكی گشتی جان نیكسۆن و دۆخی عێراق و پێویستی كاری ئەو بۆ لێپرسینەوە لەسەدام خرایە ڕوو، لەم بەشەشدا لەگەڵ بەردەوامیدان بەشی پێشوو، چیرۆكی ناسینەوەی سەدام لەساتی دەستگیركردنیدا  ڕوو. 

جۆن نیكسۆن دەڵێت: هاوتای ڕۆژانی تر، ڕۆژەكەم بە دانیشتنی كاتژمێر نۆو نیوی بەیانی لەژووری چاودێریكردن و لێكۆڵینەوە ئەنجامدانی ناسراو بە ((Elvis Sightings)) دەستپێكرد، سوپاش ئەوكاتە محەمەد ئیبراهیم (.....)، كە سەردەستەی پارێزەرانی سەدامی لەكاتی ڕاكردنیدا دەستگیركردبوو (......) ئەو زۆر زوو، ئاسان ئیعتیرافی كرد. 

هەرچەندە لەسەرەتا هەوڵیدەدا، كە بڵێت لە شوێنی ڕاكردنی سەدام هیچ زانیارییەكی نییە، بەڵام خەڵاتی "بیست‌و پێنج ملیۆن" دۆلاری بۆ سەری سەدام، سەلماندی ئەو هۆكارەیە بەهێزتر لە وەفاداری شەخسییەو هەر زوو یەكەكانی تایبەتی بۆ شوێنی خۆ حەشاردانی دیكتاتۆری پێشووو برد، (پاشان دەركەوت سەدام كەمێك پێش لە ڕووخانی رژێم، عاقڵانە زۆر لە حیمایەكانی گۆڕیبوو). 

جۆن نیكسۆن هەروەها دەگێرێتەوە، لەیەكێك لەڕ‌وژەكان لەپشت كۆمپیتەرەكەمەوە دانیشتبووم، كە "ئاندر‌و" سەرۆكی كارمەندانی شیكارگەری  CIA، وتی: نووسینگەی سەرۆكایەتی ناوەند منی داواكردووە، گۆردۆنیش، كە یەكێك لە تیمەكەی ئەوان بەناوی گۆردۆن لەمنی پرسیی: ((ئەگەر قەرار بێت سەدام بناسینەوە، چۆن دەبێت ئەمكارە بكەین؟ بەدوای چیدا دەبێت بگەڕێین؟)) من وتم: "بەدوای تاتۆیەكی بنەماڵەیی دەگەڕێم، كە پیشاندەری پەیوەندی خزمایەتی بەبنەماڵەی ئالی ئەبونەسیرەوەیە، یەكێك لەوان لە پشتی دەستی ڕاستی و لە نێوان پەنجەكانی ناوەندی و شایەتمانی بوو، ئەوی تریان لە سەر مەچەكی دەستی ڕاستیدایە، ئەم نیشانانە تەنیا كۆمەڵێك نوقتەی خاڵ هاوشێوە بوون، هەندێك لەوان لە هێلێكی ڕاست و هەندێكی تر لەوان بە شێوازی سێ گۆشە بوون، شتێك وەكوو مانگی هیلالی".

ئەو بەردەوامی بە قسەكانی دەدا و دەڵێت: سەدام زامێك لە سەر ڕانی چەپیدا هەیە، كە پەیوەندی بەو برینداریەوەی هەیە لەكاتی هەوڵدان بۆ تیرۆركردنی سەرۆك كۆمار قاسم لەساڵی 1959 هەڵیگرتووە، هەر ئاوا لێوی خوارەوەشی بەرەو لایەك كێشراوەو كەمێك لارە، پێدەچێت لەبەر تەمەنێك لەجگەرە كێشانی بوو بێت، ئەم زانیاریانەم لە ساڵانێك سەیركردنی شریت و كاسێتە ڤیدیویەكان بەدەست هێنابوون"، كرونگارد ب.ج. CIA قسەكانی بەمن بڕی و لەناوەڕاستی قسەكانمدا وتی: (( دەمانەوێت دڵنیا بین، كە خودی سەدامە، یان نا هاوشێوەكانی ئەوە)).  

لەبارەی بۆچوونی كەسانی ترەوە جۆن نیكسۆن دەڵێت: تەسەوڕكردنی ئەوەی، كە سەدام ((هاوشێوە))ی هەیە، زەینی زۆر كەسی بەخۆیەوە خەریك كردبوو، (هەفتەكانی تر، لەكاتی لێپرسینەوە لەسەدام، لە ئەوم پرسی ئایا ئەسڵەن لەهاوشێوە وەك خۆی سوودی دەبینی، پێكەنی و وتی: ((لەكوێوە دەزانی، كە ئێستاكە لەگەڵ یەكێك لەوان قسە ناكەیت؟ پێدەچێت من هاوشێوەی ئەو بم و خودی سەدام لەجێگایەكدا خۆی شاردبێتەوە)). پاشان وتی: ((نا، بەس یەك سەدام حوسەین بوونی هەیە!)).

ئەم لێكۆڵەرە لەبەردەوامیدا دەڵێت: بەهەرحاڵ پاش چەند كاتژمێرێك پێیان وتم ئامادە بە (....). كە ئەگەر بۆ ناسینەوەی سەدام پێویست بێت، ئاگادارت دەكەینەوە، بەپەلە چوومە نهۆمی سەرەوەو لە پشت كۆمپیوتەرەكەمدا دانیشتم، هەر لەوكاتانەدا ئیستیو بەرپرسی دەستگیركراوان هات بۆ لام و وتی: لیستێك لە پرسیار ئامادە بكە، كە بەس سەدام دەتوانێ وەڵامی بداتەوە، ((دەمانەوێت تۆ بڕۆیتە دەرەوە و دڵنیا ببیت ئەم كەسەی، كە نیوە شەو ئەویان دەستگیر كردووە، سەدام حوسەینە یان نا؟)). 
     
بەمنیان وت، سوپا بە فڕۆكەیەك، سەدامی گومانلێكراوی هەر ئەو شەوە بۆ فڕۆكەخانە گواستووەتەوەو ئێمە بۆ ناسینەوەی دەبێت بۆ ئەوێ بڕۆین، پێش لە نیوە شەو بەرەو جادەكەی فڕۆكەخانە هاوڕێ لەگەڵ "جۆرج"ی وەرگێڕو بڕووس بەرپرسی جیهازی درۆ پێوەر، بەرەو  شوێنی مەبەست بەڕێكەوتین.

پاش گەیشتنمان بۆ ئەو شوێنە، چەند كاتژمێرێك لەوێدا لەژوورێكدا چاوەڕوان بووین، (لە دوایدا تێگەشتم سوپا هەر ئەوكاتە سەدامی پیشانی عەبد حەمەد مەحمود تكریتی سەرۆكی نووسینگەی سەرۆك كۆمارو یەكێك لە ڕاوێژكارانی سەدام و تاریق عەزیز، وەزیری دەرەوەی پێشوو، دابوو. ئەوان وتبوویان: ((بەڵێ ئەم دەستگیر كراوە، خوودی سەدامە)).

لەبەردەوامیدا چیرۆكی گرتنۆ ناساندنی سەدامدا جۆن نیكسۆن دەڵێت: لەئاكامدا ڕوخسەتی چوونە ژوورەوە بۆ ناساندنۆ بینینی سەدام وەك تیمی لێكۆڵەران و شیكەرەوانمان پێدرا و هەر ئاواش، كە لە ڕاڕەوی دوورودرێژو كەم ڕووناكیدا هەنگاومان دەنا، خەریكبوو دڵم لەجێگایدا دەربێت، حەمامێكی گەورە لە كۆتایی ڕاڕەوەكە بوو، كە سەدام لەوێدا دەپارێزرا، چەند خوولەكێك لە پشتی دەرەوە ماینەوە تا لێپرسراوانی سوپا پرسیارەكانیان تەواو بكەن.

لەناكاو دەرگا كرایەوەو ئەو لەوێدا بوو لە سەر كورسییەك دانیشتبوو، دشداشەكەی سپی و چاكەتێكی دووراوی شین ڕەنگی لەبەردابوو، ساڵان و مانگان ڤیدیۆ و وێنەكانی ئەوم بینیبوو، لەبەر خۆمەوە وتم(( ئۆ ئەمە سەدامە!)).

ئەوەش دەگێڕێتەوە: چوومە ژوورەوە و لەبەرانبەریدا وەستام، ژوورەكە پڕ بوو لە خەڵك و تیمی سەربازی، وتم ((من چەندپرسیارێكم هەیە، كە حەز دەكەم لە ئێوە بپرسم و ئێوەش بەڕاستی و دروستی وەڵامی ئەوانم بۆ بدەنەوە. تێگەیشتیت؟!)) سەدام گوێی لە وەرگێڕانەكە گرت و بەنیشانەی بەڵێ، سەری لەقاند.
 
جۆن نیكسۆن لە بارەی پرسیارەكانی لە سەدامەوە دەڵێت، "سەرەتا پێش لەهەمووی پرسیم: ((كۆتاجار كەی كوڕەكەتان بە زیندوویی بینی؟)) بەمنی وت: ((ئێوە كێن؟ لە زانیاری سوپا، هەواڵگری (ئەفسەرانی زانیاری ناسەربازی)؟ وەڵامی من بدەرەوە، خ‌وتان بناسێنن!)) پێش لەوەی وەڵامێك بدەمەوە، یەكێك لە ئەندامانی گرووپەكەمان قسەكانی پێبڕی و وتی: ((ئێمە لێرە نین، كە جوابی پرسیارەكانی تۆ بدەینەوە، تۆ لێرەیت تاكوو وەڵامی پرسیارەكانی ئێمە بدەیتەوە!)) سەدام قبوڵی كرد و لێپرسینەوەمان بەردەوامی پێداو ساتێك بەوەم زانی كە لە پشتی دەستی ڕاستی ئەو تاتۆیەكی بنەماڵەیی هەیە، لە نێوان پەنجەی شایەتمان‌و نێوەندییەوە، تاتۆكەی تریش لەژێر مەچەكی دەستی ڕاستیدا بوو، دەمیشی هەر ئاوا، كە لە وێنەو فلیمەكاندا بینیبووم بەرەو لایەكەوە كێشرابوو لاربوو، لەسەداسەد دڵنیابووینەوە، كە خودی سەدام حوسەینە، ئێستاكە چیتر  پێویست بوو زامی بریندرابوونی ساڵی 1959ی ئەو ببینین، ئاوا بزانین چ‌ون وەڵامی پرسیارەكانمان دەداتەوە، سەدام بە دروستی وەڵامی زۆر لە پرسیارەكانی دایەوە، لە یەكێك لە هەلەكاندا لەسەدامم پرسی:، ئایا قسەیەكی بۆ وتن هەیە. ئەو وتی: بەڵێ، لە ڕەفتاری تووندی هێزەكانی تایبەت كاتێك دەستگیریان كردووە گلەیی و ڕەخنەی بوو، ئەو دەستیكرد بەپیشاندانی شوێنی چەند زام و بریندارییەك، پاشان دشداشەكەی بەرزكردەوە تا ئەو برینداربوونەی، كە بەسەر پێی چەپیدا هاتووە پیشانم بدات، زامە كۆنەكەییم بینی‌و لەناكاو پرسیم، ئەمە هەر ئەو زامەیە، كە بەهۆی فیشەك بەركەوتنی لەكاتی هەوڵدان بۆ تیرۆركردنی عبدالكەریم قاسم بەسەریدا هاتووە، ئەو  بە مرخەمرخێك تەئیدی قسەكانمی كرد، ئەمە كۆتا بەشی كارم بۆ پشتراستكردنەوەی ناونیشان و قسەكانم بوو، بەڵی چیتر منۆ تیمەكەم دڵنیابووینەوە، كە ئێمە كەسە سەرەكییەكەمان گرتووە، ئێمە "سەدام حوسێن"مان گرتبوو.

تێبینی: لەبەشێكی تردا، ساتی لە سیدارەدانی سەدام حوسێن بەپێی گێڕانەوەی ئەم لێكۆڵەرەی دەزگای CIA بۆ ئێوە دەخەینە ڕوو. 
  
كلیك بكە بۆ خوێندنەوەی بەشی یەكەم:






ads

زۆرترین خوێندراوە

  • ڕۆژ
  • هەفتە
  • مانگ
ads
ads

ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved