هەژاری كاریگەری لەسەر گەشەی مێشكی منداڵان دەبێت

sharpress.net

276 جار خوێندراوه‌ته‌وه

04/01/2019‌

شارپرێس:
ئەنجامی لێكۆڵینەوەكانی ئەمریكا ئەوە دەردەخات، ئەزموونی هەژاری لەقۆناغی منداڵیدا كاریگەری نەرێنی و بەردەوامی لەسەر گەشەو فراوانی مێشك هەیە.

لەو توێژینەوەدا، لێكۆڵەرانی دامەزراوەی تەندروستی دەروون لەئەمریكا بەلێكدانەوەی 1243 سكانەری مێشكی كەسانی 5 تا 25 ساڵ، كاریگەری دۆخی كۆمەڵایەتی، ئابووری لەقۆناغی منداڵی و هەرزەكاری لەسەر گەشە و تەواوكاری مێشكیان لێكدانەوەی بۆ كرد.

بەو پێیە، كاریگەری هەژاری لەقۆناغی منداڵیدا كاریگەری نەرێنی و بەردەوامی لەسەر گەشەی مێشكدا هەیەو لەگەڵ ئەمەشدا پشتیوانی زیاتر لەم دەستە لە منداڵانە لە (ساڵانی پێش لەقۆناغی سەرەتایی خوێندن) دەتوانێت ئاسەواری نیگەتیڤ لەنموونە كەوتنە نێو مەترسی تەندروستی دەروون، یان دابەزینی ئاستی خوێندن لەواندا لە داهاتوودا كەمبكاتەوە.

كاسیدی مەك دێرمۆت(Cassidy McDermott) نوووسەری باڵای ئەو توێژینەوەیە جەخت دەكاتەوە، گەشەو فراوانكردنی سەرەتای مێشك، هاوكات لەگەڵ بەدەستهێنانی ئەزموونە سەرەتاییەكان لە قۆناغی منداڵی و لە چوارچێوەی سروشتی خێزاندا ڕوودەدات، لەبەر ئەوە دۆخی كۆمەڵایەتی و ئابووری خێزان كاریگەری بەرچاوی لەسەر گەشەی مێشكی منداڵ هەیە.

دۆخی كۆمەڵایەتی، ئابووری وەك ئاستی دەرامەتی خێزان، ئاستی خوێندنی دایك و باوك، لە نموونەی هۆكارانی ترن، كە كاریگەری لەسەر تەندروستی دەروون و گەشەی مێشك و سەركەوتنی خوێندنی منداڵ دەبێت.

هەروەها لێكۆڵەرانی ئەمریكا بەوە گەیشتن، ناوچە گیرۆدە و گرفتارەكان لە پڕۆسەی فێربوون و زمان و گەشەی عاتیفی، لە نێو منداڵانێك كە دایك و باوكی ئەوان لە خوێندنی ئاستبەرز سوودمەندن یان لە كارو پیشەیتر خەریكی چالاكین، لە ئاڵۆزی زیاتردان.

لە خوێندنەوەكانی پێشوودا، پەیوەندی نێوان پیشەی دایك و باوكان و ئاستی دەرامەتی ئەوان و زیادبوونی بڕی گشتی مادەی خۆڵەمێشی مێشكی دیاریكرا بوو،  بەڵام دیراسەی توێژینەوەی نوێ بەشێوەی وردتر ئەوەی دەرخست كە دۆخی كۆمەڵایەتی- ئابووری لە قۆناغی منداڵیدا كاریگەریی بەرچاوی لە سەر دوو ناوچەی تالاموس(ناوچەیەك لە ناوەندی مێشك) و ئیستریاتۆم(striatum)هەیە.

هەڵبەت لێكۆڵەران جەخت لەسەر ئەوەش دەكەنەوە  ئەم ڕێڕەڕەوە تەنیا كۆمەڵێك لە هەڵسوكەوتی كاریگەر لەنێوان دەروروبەری گەشەی منداڵ، گەشەی مێشك، تەندروستی دەروون و دۆخی خوێندندا پیشاندەدت.

هۆكارگەلی تریش لە ساڵانی سەرەتای ژیانی منداڵ لەسەرگەشەو فراونبوونی مێشك كاریگەرییان هەیەو لێكۆڵەران هیوادارن بە ناساندنی ئەم هۆكارانە بتوانن ئاسەواری نیگەتیڤی پەیوەند بەم هۆكارانە بەلانیكەمی بگەیەنن.






ads

زۆرترین خوێندراوە

  • ڕۆژ
  • هەفتە
  • مانگ
ads
ads

ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved