پەرلەمانی عێراق چەند پرسێکی تایبەتی بە بودجە تاوتوێکرد

عیراق

10/01/2019‌ 768 جار خوێندراوه‌ته‌وه

شارپرێس:
دانیشتنی پەرلەمانی عێراق بۆ گفتوگۆکردن لەسەر پڕۆژە یاسای بودجە و چەند پرسێکی دیکە کۆتایهات.

ئەمرۆ پێنجشەممە (١٠ی کانوونی دووەمی ٢٠١٩) بە ئامادەبوونی محەمەد حەلبوسی سەرۆکی پەرلەمانی عێراق و ١٩٨ ئەندام پەرلەمان دەستیپێکرد، و لە دانیشتنەکەدا گفتوگۆی پڕۆژە یاسای بودجە و چەند پرسێکی دیکە کۆتایهات.

هەر لەدانیشتنەکەدا نوفڵ بەها موسا وەک وەزیری کۆچ و کۆچبەران سوێندی یاسایی خوارد و بەفەرمی بوە وەزیرێکی دیکەی کابینەکەی عادل عەبدول‌مەهدی.

لە دانیشتنەکەدا محەمەد حەلبوسی، سەرۆکی پەرلەمانی عێراق لیژنەی ئاسایش و بەرگری راسپارد بۆ بەدواداچوونی دەنگۆی سەردانی چەند شاندێکی عێراقی بۆ ئیسرائیل.

هەروەها سەرۆکی پەرلەمان هەروەها لیژنەی ئاسایش و بەرگری و لیژنەی هەرێمەکانیشی بۆ لێکۆڵینەوە لە بارودۆخی شەنگال راسپاردووە.
هـ ـ ر