ئه‌مه‌ریكا رێگانات ئیسرائیل فڕۆکەی F16 بە کرواتیا بفرۆشێت

sharpress.net

467 جار خوێندراوه‌ته‌وه

11/01/2019‌

شارپرێس:
وەزیری بەرگری کرواتیا رایگه‌یاند، ئیسڕائیل ئەو 12 فڕۆکە ئێف-16 بەکارهاتووەی کە ساڵێ ڕابردوو زەغرەب ڕازیبووە بیکڕێت ڕادەستی كرواتیای نەکردووە، ئه‌وه‌ش له‌سه‌ر داوای ئه‌مه‌ریكا.

دامیر کریستیتشیفیچ، وەزیری بەرگری کرواتیا رایگه‌یاندووه‌،  "ئیسڕائیل بە فەرمی پێی ڕاگەیاندووین کە نەیتوانیوە ڕەزامەندی ئەمەریکا بەدەست بهێنێت بۆ فرۆشتنی فڕۆکەکان بە کرواتیا".

بەرپرسانی هەردوولا رایانگه‌یاندووه‌، کرواتیا هۆکاری نەمانی ڕێکكەوتنەکە نیە، به‌ڵام  ئاماژەیان بەوەنه‌كردووه‌، كه‌ بۆچی ئەمەریکا دژایەتی گرێبەستەکەی کردووە.

دەزگای ڕاگەیاندنی کڕواتیان رایگه‌یاندووه‌، هۆکاری کێشەکە ئەوەیە فڕۆکەکان تەکنەلۆجیای ئیسڕائیلیان لەسەرە کە ئەوەش وادەکات کۆمپانیا بەرگرییەکانی ئەمەریکا نەتوانن نوێ یاخوود دەستکاری بکەن.

سەرۆک وەزیری کڕواتیان وتوویه‌تی، "گرێبەستی کڕینی فڕۆکەکان هێشتا واژۆ نەکراوە بۆیە هیچ زیانێکی ماددیمان لێنەکەوتۆتەوە".
ه.م




ads

زۆرترین خوێندراوە

  • ڕۆژ
  • هەفتە
  • مانگ
ads
ads

ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved