شیردانی سروشتی سوودی بۆ كۆرپەو دایك-ەكەش هەیە

sharpress.net

551 جار خوێندراوه‌ته‌وه

12/01/2019‌

شارپرێس:
شیری دایك، خۆراكێكی بێوێنە بۆ منداڵان، كە شیری سروشتی بڕێكی تەواو لەڤیتامینەكان، پڕۆتینەكان و چەورییەكان بە جەستەی منداڵ دەگەیەنێت، ئەمانەش هەموو ئەو شتانەن منداڵان پێویستیانە.

یەكێك لەخەسڵەتە تایبەتەكانی شیردانی دایك بە منداڵ، سوتاندنی كەلۆری زیادە لەجەستەی دایكەدا، لەبەر ئەوە ئەو كارە دەتوانێت یارمەتی دایكان بدات تا كێشی كاتی سكپڕبوونیان، كە زیادبووە، كەمتر بكەنەوە.

شیری دایك هەندێك ماددەی تێدایە، كە لە ڕووبەڕووبوونەوەی ڤایرۆسەكان و بەكتریاكان یارمەتی منداڵ دەدات. 

هەروەها شیری دایك تەنانەت مەترسی تووشبوون بە ڕەبۆ و حەساسیەت لەمنداڵان كەمتر دەكاتەوەو جگە لەوەش ئەو ساوایانەی، كە شەش مانگی سەرەتای ژیان بەس لەشیری دایك سوود دەبینن و شیری وشك ناخۆن، كەمتر تووشی گرفت و نەخۆشییە جۆراوجۆرەكان دەبن، كە ئەوانیش دەتوانین ئیلتیهابی گوێ، نەخۆشی هەناسەتەنگی، سكچوون، ناو لێوە بەین.

لەم ساڵانەی كۆتاییشدا لێكۆڵینەوەكان ئەوەیان دەرخستووە، كە خواردنی شیری منداڵ بەهۆی دایكەوە پەیوەندی بەزیادبوونی ڕادەی هۆشمەندانە  (IQ)ی ئەو لە قۆناغی منداڵییەوە دەبێت. 

هەروەها دەبێت ئاگاداری ئەوە بین، كە نزیكبوونەوەی جەستەیی و پێست لەگەڵ پێست و پەیوەندی دروستكردن لەڕێگەی چاوەوە بەهۆی دایك و ساواوە، نێوان دایك و منداڵ بەهێزتر دەكات. 

ئەو منداڵانەی، كە شیری دایك دەخۆن كەمترتووشی قەڵەوی لەڕادە دەبن، بەپێی ڕاپۆرتێكی ئەكادیمیای منداڵانی ئەمریكا (APP)، خواردنی شیری دایك بەهۆی منداڵەوە لەڕێگریكردن لە كۆنیشانەكانی مردن (Syndrome) لەناكاوی ساوایان لە حاڵەتی لەناكاوی( SIDS)دا دەوری هەیە. 
 






ads

زۆرترین خوێندراوە

  • ڕۆژ
  • هەفتە
  • مانگ
ads
ads

ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved