ئۆكرانیا مەرج بۆ سێكس لەنێوان هاوسەرەكان دادەنێت

sharpress.net

12734 جار خوێندراوه‌ته‌وه

13/01/2019‌

شارپرێس:
ئۆكرانیا بەنیازی كۆمەڵێك گۆڕانكارییە لەیاساكانی باری كەسێتی، كە لەنێویاندا باسی پەیوەندی سێكسی نێوان هاوسەران كردووە.

بەپێی گۆڕانكارییەكان، لەمەولا ئەگەر یاساكە گۆرانكاری تێدا بكرێت، ئەوە دەبێت بۆ ئەنجامدانی سێكس لەنێوان هاوسەران هەردوولا رەزامەند بن، بەپێچەوانەوە لایەنی پێشێكار رووبەڕووی سزا دەبێتەوە.

هەر بەپێی گۆڕانكارییەكە، ئەو رازیبوونە تەنیا بۆ نێوان هاوسەرەكان نییە، بۆ ئەو كەسانەشە ، كە پەیوەندی خۆشەویستی لەنێوانیان هەیەو دەبێت لەكاتی پرۆسەكە رەزامەندی هەردوولای لەسەر بێت.

هەروەها بەپێی سەرچاوەكانی ئۆكرانیا، كە ئەو یاسایە سزاكەی بۆ هاوسەران زیاترە وەك لەخۆشەویستەكان، چونكە ئەوان پەیوەندییەكەیان فەرمییەو دەتوانرێت لێپرسینەوەیان لەگەڵ بكرێت.

ئەگەر هاتوو یەكێك لەدوو لایەن، رازی نەبوون بەو پرۆسەیەو پرۆسەكە ئەنجامدراو سكاڵا تۆماركرا، ئەوە بەدەستدرێژی ئەژمار دەكرێت‌و دەستدرێژیكارەكەش سزای زیندانی بەسەردا دەسەپێنرێت، كە نابێت لە 10 ساڵ زیاتر بێت.

هـ ـ ح







ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved