هەولێر.. لەلایەن دژە تیرۆرەوە دوو ئەندامی داعش دەستگیرکران

کوردستان

17/01/2019‌ 313 جار خوێندراوه‌ته‌وه

شارپرێس:
دژه‌تیرۆری کوردستان دەستگیرکردنی دوو ئه‌ندامی داعشی له‌ هه‌ولێر ڕاگەیاند.

ئەمشەو پێنج‌شەممە به‌ڕێوبه‌رایه‌تیی گشتیی دژە تیرۆری سه‌ر به‌ ئه‌نجوومه‌نی ئاسایشی هه‌رێمی کوردستان بڵاویکردەوە "به‌پشت به‌ستن به‌ زانیاری و پاش چاودێریکردنی ورد و له‌سه‌ر فه‌رمانی بەڕێز دادوه‌ر له‌ 16-1-2019 له‌ ئۆپه‌راسیۆنێکی سه‌رکه‌وتوودا دوو ئه‌ندامی گرووپێكی تیرۆیستيی داعشى له‌ شاری هه‌ولێر ده‌ستگیرکران".

دژه‌تیرۆری کوردستان ناوی دوو ئەندامەکەی داعشی ئاشکراکردووە و کە بریتین لە "ئەحمەد ئیبراهيم ئەحمەد جدیع و قەحتان عەلی ئەحمەد  جدیع" و کە له‌ به‌شی ئه‌منی گرووپی داعش کاریان کردووه‌.

بەپێی راگەیێندراوەکەی دژە تیرۆری کوردستان "هه‌ر له‌و ئۆپه‌راسیۆنه‌دا شەش گومانلێکراو به‌كارى تيرۆر ده‌ستگیرکران و سه‌رجه‌م ده‌ستگيركراوان رێكارى ياساييان له‌گه‌ڵدا ده‌گيرێته‌به‌ر".
هـ ـ ر