شارپرێس:
سەرۆكوەزیرانی عێراق و جێگری سەرۆكی پەرلەمانی عێراق تاوتوێی
پڕۆژەیاسای بودجە و پشکی هەرێمی کوردستان لە بودجەدا دەکەن.
د. بەشیر خەلیل حەداد، جێگری سەرۆكی پەرلەمانی عێراق بە ڕوداوی راگەیاندوە "دوای نیوڕۆی
ئەمڕۆ لەگەڵ سەرۆكوەزیران عادل عەبدولمەهدی کۆبووەتەوە و كۆمەڵێك پرسی
گرنگمان تاوتوێكرد، دیارترینیان بودجەی عێراق بەگشتی و لەنێویشیدا بەشە بودجەی
هەرێمی كوردستان، هەروەها جەخت لەسەر جیاكردنەوەی مووچەی فەرمانبەران و پێشمەرگە
لە هەموو ململانێكان و بەشەكانی دیكەی بودجە كرایەوە".
بەشیر حەداد ئاماژەی بەوەشدا "باسمان لە هێوركردنەوەی بارودۆخی شاری كەركووك بەپێی مادەی 140ی دستوور و بە
سازان و رێككەوتن لەنێوان پێكهاتە سەرەكییەكانی شارەكە کردەوە. هەروەها
رەوانەكردنی شاییستە داراییەكانی جووتیاران و دابەشكردنی نەوت بەسەر كەمپی
ئاوارەكانی سنووری هەرێمی كوردستان".
جێگری سەرۆکی پەرلەمان
بە سەرۆکوەزیرانی عێراق راگەیاندووە "پێویستە حكومەت پشتگیری لە دەسەڵاتی
شەرعی و هەڵبژێردراوی ناوچەكە بكات و سەرۆكوەزیران هەوڵی جیدی بدات بۆ
چارەسەركردنی كێشەكانی نێوان هەولێر و بەغدا".
سەبارەت بە هاوتاكردنی
مووچەی خانەوادەی شەهیدان لەگەڵ بەغدا، بەشیر حەداد وتویەتی"هاوتاكردنی مووچەی
خانەوادەی شەهیدان، ئەنفالكراوان و زیندانیان سیاسی قۆناخی باشی بڕیوە و دەتوانم بڵێم رەزامەندی دەزگای شەهیدان و زیندانیانی سیاسی و وەزارەتی شەهیدانی
بەدەستهێناوە بۆ خەرجكردنی ئەو شایستانە".
هـ ـ ر