شارپرێس:/ وەرگێران: لوقمان حاجی قادر
ڕۆژنامەی ((سەباحی))ی توركی لیستی چەند زانیارییەكی سەیرو سەمەرەی لەجیهاندا بڵاوكردووەتەوە، كە ئەم زانیارییانەی خوارەوە گرنگترینیان.

دوورترین شتێك، كە وێنەی گیرابێت ئەستێرەیەكە لە بۆشایی ئاسماندا، كە ماوەی 6 ملیار كیلومەتر لە زەوییەوە دوورە، ئەو ئەستێرەیە لەسەر شێوەی خاڵێكی شینی كاڵ دەردەكەوێت.

بڕی ئەو سەهۆڵەی لە جەمسەری باشوور هەیە یەكسانە بەسەرجەم ئەو ئاوەی لەزەریای ئەتڵەسیدا هەیە.

جیهان ڕۆژانە 8 ملیون و 600 هەزار گەردەلوولی بروسكاوی بەخۆیەوە دەبینێت.

ڕۆژ 24 سەعات نییە.. بەڵكو 23 سەعات‌و 56 دەقە و 4 چركەیە.

ڕۆژانە بەشێك لەمانگە دەستكردەكان، كە وەك پاشەڕۆ لە بۆشایی ئاسماندا جێگیر كراون دەكەونە خوارەوە.. بۆیە ئاگاداری خۆت بە.

ڕۆژانە 100 تەن لە تەپوتۆزی نەیزەكەكان دەكەونە سەر ڕووی زەوی.

تەنیا 7%ی ئاوی جیهان شرینە و 97% سوێرە.

ساڵانە 2000 جۆری تازەی بونەوەری دەریایی دەدۆزرێنەوە.

وا باوەڕدەكرێت، كە ملیۆنێك بوونەوەر لە زەریاكاندا دەژین، تەنیا 33% ی ئەو بوونەوەرانە دۆزراونەوە و ئەوانی دیكە نادیارن.

10% ی گڕكانەكانی سەر ڕووی زەوی لەقووڵایی ئۆقیانووسەكاندا روودەدەن.