ترامپ‌و یاریدەدەرەكانی.. لەكاتی هەڵمەتی هەڵبژاردن 100 جار پەیوەندییان بەروسیاو ویكیلیكس-ەوە كردووە

sharpress.net

2302 جار خوێندراوه‌ته‌وه

27/01/2019‌

شارپرێس/ وەرگێڕان: حلمی رەسول رەزا
رۆژنامەی نیویۆرك تایمزی ئەمەریكی پرۆسەی پەیوەندییەكانی نێوان دۆناڵد ترامپی سەرۆكی ئەمریكاو راوێژكارەكانی لەگەڵ بەرپرسە رووسەكان‌و نێردەكان‌و ماڵپەڕی ویكیلیكس ئاشكراكردووە.

بەپێی رۆژنامەكە، ئەو پەیوەندییانە زیاترە لە 100 پەیوەندی لەمیانی هەڵمەتەكانی هەڵبژاردنی سەرۆكایەتی ئەمەریكا لەساڵی 2016 و پێش بوونی بەسەرۆك لەكانونی دووەمی 2017 ئەنجامدراون.

رۆژنامەكە باسی لەوەش كردووە بۆ ئەم بابەتە پشتی بەستووە بە بەڵگەنامەكانی پێشكەش كراو بە كۆنگرێس و تۆمارەكانی لای حكومەت و تۆمەتەكانی –رۆبەرت مۆلەر- لێكۆلەری تایبەت بەلێكۆلینەوەی دەستێوەردانەكانی روسیا لەهەڵبژاردن.

هەر بەپێی راپۆرتەكە، لەنێو ئەو پەیوەندییانەدا زیاتر لە 100 كۆبوونەوەی كەسی و پەیوەندی تەلەفۆنی و نامەی ئەلیكترۆنی‌و نامەی تایبەت لەسەر توێتەر تۆماركراون، كەچی چەندین جار ترامپ ئەم تۆمەتانەی رەتكردووەتەوە.

رۆژنامەكە ئەوەی خستووەتەروو، مۆلەر هەستاوە بە لێكۆلێنەوە لەپەیوەندییەكانی نێوان هەڵمەتی هەڵبژاردنی ترتمپ و ماڵپەری – ویكیلیكس-، كە هەزارەها نامەی ئەلیكترۆنی لەسەر هەڵمەتی حیزبی دیموكراتەكان بڵاوكردەوە، ئەو نامانە پێش هەڵبژاردن لەلایەن روسیا دەست خرابوون.

رۆژنامەكە باسی ئەو بۆنانە دەكات، كە بە هۆیەوە پەیوەندییەكانی تێدا دەسكەوتووە و ئەوانەی پێی هەڵساون.

دۆناڵد ترتمپ: 6 پەیوەندی بەلای كەمەوە
ئاراس ئاگالاروف ملیردێری روسی و خاوەن میوانداری پێشبڕكێی شاجوانی گەردون‌و كورەكەی – ئیمین- لە مۆسكۆ چەندین جار لەگەڵ ترامپ پەیوەندییان كردووە.

بە شێوەیەكی تاك تاك، هەردوو ناوبراو لەرێكخستنی كۆبوونەوەی –بورجی ترامپ- ی بەناوبانگ لە حوزەیرانی 2016 رۆڵیان هەبووە لەگەڵ پارێزەرێكی سەر بە كرملین دەربارەی دەسكەوتنی زانیاری لەسەر روشاندنی كەسایەتی هیلاری كلینتۆن. لەكاتێكدا ترامپ ئەو پارێزەرەی دانابووو بەدواداچوون بۆ پلانی دروست كردنی بورجی ترامپ لە مۆسكۆ.

مایكڵ كۆهین: 17 پەیوەندی بەلای كەمەوە
كۆهین خەریكی پلاندانانی دروستكردنی بورجی ترامپ بوو لە مۆسكۆ، لەمەشدا –فیلیكس سارتر- هاوبەشی كارەكانی ترامپ هاوكاری بوو، ئەمیش پەیوەندی لەگەڵ روسیادا هەبوو. 

كۆهین دانی بەوەدا نا لەگەڵ كۆنگرێس درۆیكردووە دەربارەی گفتوگۆكانی پرۆژەكەو تێوەگلانی ترامپ، سەرەرای ئەوەی ناوبراو چاوی بەكەسایەتیەكی روسی كەوتووە بەدەربارەی كارێكی جیای تر.

دۆناڵد ترامپ جونیۆر : 17 پەیوەندی بەلای كەمەوە 
ترامپی كوڕ پەیوەندی جۆراوجۆری لەگەڵ روسەكان و نێوەندگیرێكی روسی تر دەربارەی كۆبوونەوەكەی بورجی ترامپ لە حوزەیرانی 2016 و توانینی دروستكردنی پەیجێك بۆ هەڵمەتی هەڵبژاردن لەسەر ماڵپەرە روسییەكان ئەنجامداوە، سەرەرای گۆرینەوەی نامەی تایبەت لەگەل ماڵپەری –ویكیلیكس-.

جۆرج بابادوبولۆس: 12 پەیوەندی بەلای كەمەوە 
ناوبرو پەیوەندی زۆری لەگەڵ ئەو كەسانەدا ئەنجامداوە، كە ویسویانە كۆبوونەوەكانی نێوان ترامپ و هەڵمەتی هەڵبژاردنەكەی و سەرۆكی روسیا، یاخود بەرپرسێكی نوسینگەكەی رێك بخەن، بابادوبولۆس ئەم هەواڵەی بە بەرپرسی هەڵمەتەكەی ترامپ راگەیاندووە و دانی بەوەدا ناوە درۆیكردووە لەگەڵ لێكۆلەرانی نووسینگەی لێكۆلینەوەی فیدارلی دەربارەی ئەم پەیوەندییانە.

بۆل مانافۆرت: 6 پەیوەندی بەلای كەمەوە
مانافورت چەندین پەیوەندی ئەنجامداوە لەگەڵ – كونستانتین كیلیمینك- هاوبەشە بازرگانێكی كۆنی سەر بە هەواڵگری روسیا لەو ماوەیەی سەرۆكی هەڵمەتەكانی هەڵبژاردنی ترامپ بووە كردووە.

لەو پەیوەندییانەدا زانیاری ڕاوبۆچوونە سیاسییەكانیان گۆریوەتەوە و یەكێك بووە لە ئەندامانی كۆبوونەوە بەناوبەنگەكەی بورجی ترامپ.

مایكل فلین: 5 پەیوەندی بەلای كەمەوە
لەماوەی كاتی راگوزەردا، واتە لەنێوان هەڵبژاردنە سەرۆكایەتییەكەو دانانی سەرۆكدا، فلین پەیوەندی لەگەڵ –سیرگی كیسلیاگ- باڵوێزی روسیا لە ئەمەریكا ئەنجامداوە سەبارەت بە سزاكانی سەر روسیا و بەربەستەكانی دەنگدان لەنەتەوەیەكگرتووەكان و رەخنەی لە نشینگە ئیسرائیلییەكان گرتووە.

جارید كۆشنەر: 6 پەیوەندی بەلای كەمەوە
كۆشنەرو كیسلیاگ لەماوەی راگوزەردا چاویان بەیەكتری كەوتووە و گفتوگۆیان دەربارەی كردنەوەی كەناڵی پەیوەندی لەگەڵ روسەكان كردووە، ئەویش لە كۆبوونەوەكەی بورجی ترامپدا ئامادە بووە لە حوزەیرانی 2016.

جۆرج ستون: 18 پەیوەندی بەلای كەمەوە
ستون لەهەڵمەتی هەڵبژاردنی ترەمپدا خۆی وەك كەناڵێكی ناوخۆیی ویكیلیكس تەرخان كردبوو، لە لیستی تۆمەتە نهێنییەكان لە 25ی كانونی دووەم، مۆلەر ئەو بەڵگەنامانەی ئاشكرا كرد دەربارەی بەرپرسێكی دیاری هەڵمەتەكەی ترەمپ بەوەی ستونی ناردووە بۆ بەدەست هێنانی زانیاری لەویكیلیكس، دەربارەی هەزارەها نامەی حیزبی دیموكراتەكان، كە ژمارە نهێنییەكانی شكێنرابوو.

سەرچاوە: نیویۆرك تایمز 





ads

زۆرترین خوێندراوە

ads
ads

ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved