كۆمپانیای هواوی دەبێتە گەورەترین فرۆشیاری موبایل لەجیهاندا

sharpress.net

718 جار خوێندراوه‌ته‌وه

28/01/2019‌

شارپرێس:
لەگەڵ بوونی فشارەكان وڵاتانی عەرەبی لەسەر كۆمپانیای هواوی بەهۆی دڵەڕاوكێ ئەمنییەكانی، ئەو كۆمپانیایە هیوادارە لەمساڵدا ببێتە گەورەترین فرۆشیاری موبایل لەجیهاندا.

كۆمپانیاكە لەساڵی ڕابردوودا گەشەیەكی بەرچاوی لە 50% بەخۆیەوە بینیوەو ڕێكۆردێكی 52 ملیاردی لەخۆیەوە بەجێهێشتووەو لە 48% تەواوی فرۆشی ئەم كۆمپانیا زەبەلاحە پەیوەست بەموبایلی زیرەكەوەیە، كە بۆ یەكەینجار لە زۆر لەكۆمپانیاكانی تری ئەو بوارەدا پێشكەوتووە، ئەویش بەخستنە نێو بازاڕی نەوەی پێنجەمی موبایل و تۆڕەكانی پەیوەندیكردن بەدونیاو چاوەڕوانی پێشكەوتنیشی لە ساڵی 2019دا لێدەكەن.
 
هواوی لەئێستادا گەورەترین پێشكەشكەرانی موبایل لەجیهانەو پلەی دووەمی فرۆشیارانی جیهانی لەم بوارەدا بەخۆیەوە پەیوەستكردووە، كە بەپێچەانەی هەندێك كۆمپانیای تری وەك Samsung و  LG، كە بەڕێوبەرانیان دەڵێن، فرۆشی بەرهەمەكانمان دابەزینیان بەخۆیانەوە بینییوە.

هواوی، زۆرجار تاوانی سیخۆڕیكردنیشی لەلایەن هەندێك وڵاتی وەك ئەمریكاو كەنەدا بەسەردا دراوە، بەڵام ئەم كۆمپانیایە هەمیشە داوای بەڵگەی لەبانگەشە درۆینەكانی ئەم وڵاتانە كردووە، هەرچەندە توانیویانە بەم بانگەشانە كڕیارانی بەرهەمی هواوی تا ئاستێكی بەرچاو لەوڵاتەكانی خۆیاندا دابەزێنن.

لەگەڵ ئەمەشدا "ڕیچارد یۆ" بەڕێوبەری كۆمپانیای هواوی بەئاماژەدان بەفرۆشی زیاتر لە200ملیۆن موبایل لە ساڵی ڕابردوودا جەخت لەوە دەكاتەوە، كە ئەم كۆمپانیایە لەمساڵ یان ساڵی داهاتوودا، ببێتە گەورەترینەكانی فرۆشیاری مۆبایل لەجیهاندا.






ads

زۆرترین خوێندراوە

  • ڕۆژ
  • هەفتە
  • مانگ
ads
ads

ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved