قسەی ڤاڵڤێردی لەبارەی پێكانی میسی

sharpress.net

389 جار خوێندراوه‌ته‌وه

03/02/2019‌

شارپرێس:
ئارنستۆ ڤاڵڤێردی ئیسپانی‌و راهێنەری یانەی بەرشەلۆنەی ئیسپانی قسەی لەسەر پێكانی لیۆنێل میسی ئەرجەنتینی‌و یاریزانی یانەكەی كرد.

ئارنستۆ ڤاڵڤێردی لەمیانی لێدوانێكی رایگەیاند، پێكانی میسی لەم كاتەدا بۆ ئێمە شتێكی باش نابێت، بۆیە نامەوێت شتێكی لەو بابەتە رووبدات.

راهێنەری بەرشەلۆنە راشیگەیاند، ئەوەی تائێستا هەیە میسی ئازاری پێگەیشتووەو دەبێت چاوەڕێی پشكینینەكان بكەین، بۆ ئەوەی بزانین چی روودەدات.

ئەمە لەكاتێكدایە، زۆربەی سەرچاوەكانی كەتەلۆنیا دڵنیایی دەدەن، كە لیۆنیچل میسی ئەرجەنتینی‌و یاریزانی یانەی بەرشەلۆنە پێكانی نییەو بەشداری یاری یانەكەی بەرانبەر یانەی ریاڵ مەدرید دەكات.

بەرنامەی "چرینجیتۆ"ی بەناوبانگی ئیسپانی بڵاویكردەوە، كە میسی تووشی پێكان نەبووە، بەڵكو بەهۆی بەركەوتن تووشی ئازارێكی قورس بووەو دوای رۆژێك پشوو دەگەڕێتەوە بۆ راهێنانەكان.

هەروەها رادیۆی "كەتالونیا" بڵاویكردەوە، كە میسی پشكنینی پزیشكی بۆ كراوەو هیچ پێكانێكی نەبووەو تەنیا رۆژی یەك شەممە پشوو دەدات‌و دواتر دەگەڕێتەوە یاریگاكان.

ئەمە لەكاتێكدایە رۆژی چوار شەممەی داهاتوو یانەی بەرشەلۆنەو ریاڵ مەدرید لەیاری كلاسیكۆ لەچوارچێوەی یارییەكانی جامی ئیسپانی رووبەڕووی یەك دەبنەوە.

هـ ـ ح






ads

زۆرترین خوێندراوە

  • ڕۆژ
  • هەفتە
  • مانگ
ads
ads

ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved