بەهۆی كڕینی زێڕی فەنزوێلاوە توركیا دەكەوێتە كێشەوە

sharpress.net

2390 جار خوێندراوه‌ته‌وه

03/02/2019‌

شارپرێس:
وەرگێڕان: حلمی رەسول رەزا
رۆژنامەیەكی بەریتانی بڵاویكردەوە، كە توركیا رووبەڕووی فشارێكی زۆر بووەتەوە بۆ ئەوەی هێنان‌و كڕینی زێڕی فەنزوێلی رابگرێت.

لەم دوایە توركیا تۆمەتبار كراوە بەبازرگانی كردن بە زێرەوە و بەوڵاتێكی چالاك لەو بوارەدا ئەژماركراوە و لەم پرۆسەیەدا ئیمارت هاوبەشی دەكات‌و ئەوەش كێشەی بۆ ئەنقەرە دروست كردووە.

رەجەب تەیب ئەردۆغان سەرۆك كۆماری توركیا هاوكاری زۆری هاوتا فەنزوێلییەكەی "نیكۆلاس مادورۆ"ی كردووە لەو كێشە سیاسییانەی رووبەڕووی ئەو وڵاتە بووەتەوە، هەرچی سەرۆكی ئەو وڵاتەشە رووبەرووی فشاری ئەوروپا و ئەمەریكا بووەتەوە بۆ ئەوەی واز لە دەسەڵات بهێنێت.

ئەمەریكا پێی وایە، بەشێك لەو زێرەی لەفەنزوێلا دێتە توركیا، پاشان دەگوازرێتەوە بۆ ئێران و ئەمەش دەچێتە چوارچێوەی ئەو پێشێلكارییە ئابوورییانەی، كە ئەمەریكا بەسەر ئێرانیدا سەپاندووە.

كەناڵی "بی بی سی" بڵاویكردەوە، توركیا ئاگاداركراوەتەوە بەهۆی بازرگانی كردنی زێڕ لەگەڵ فەنزوێلا، بەوەی ئەم كارە رووبەرووی دەرەنجامی خراپی دەكاتەوە.

ئەمەش پاش ئەوە هات بەهۆی سزاكانی ئەمەریكاوە ناردنە دەرەوەی نەوت لەو وڵاتەدا دابەزی و ئەویش ناچار بوو لەرێگەی ماددە خاوەكانی ترەوە قەرەبووی بكاتەوە ، لەسەرووی هەمووشیانەوە زێڕ.

حكومەتی فەنزوێلا لەلایەن بەرهەڵستكارەكانەوە تۆمەتبار دەكرێت بە دەرهێنانی زێڕ بەشێوەیەكی نایاسایی و وێرانكردنی ژینگە و سەركردایەتیكردنی ئەو پرۆسەیەش لەلایەن گروپی رێكخراوەوە بۆ دەست بەسەراگرتنی كانزاكاری زێڕی بچووك و هەندێك جارێش پەنا بردن بۆ توندوتیژی.

سەرچاوە: Sputniknews






ads

زۆرترین خوێندراوە

ads
ads

ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved