بەرشەلۆنە بۆ یاری كلاسیكۆ لەكێشەدایە

sharpress.net

652 جار خوێندراوه‌ته‌وه

05/02/2019‌

شارپرێس:
یانەی بەرشەلۆنە بۆ یاری كلاسیكۆی بەرانبەر یانەی ریاڵ مەدرید، لەكێشەدایەو لەو بارەشەوە لەناو یانەكە نیگەرانی دروست بووە.

بەپێی سەرچاوەكان هێشتا بەشداریكردنی لیۆنێل میسی ئەرجەنتینی‌و یاریزانی یانەی بەرشەلۆنە بۆ یاری كلاسیكۆ یەكلانەبووەتەوە، بۆیە بەرپرسانی یانەكە نیگەرانن.

لیۆنێل میسی لەرۆژی شەممەی رابردوو لەیاری نێوان بەرشەلۆنەو ڤالێنسیا لەخولی ئیسپانی رووبەڕووی لێدانێكی توند بووەوە، كە تائێستا بەفەرمی نازانرێت پێكانی هەیە، یان نا.

بەرشەلۆنەو ریاڵ مەدرید رۆژی چوار شەممە یاری كلاسیكۆ لەچوارچێوەی یارییەكانی جامی شای ئیسپانیا دەكەن، كە یانە كەتەلۆنییەكە دەیەوێت میسی بەشداری یارییەكە بكات.

هاوكات بەشێك لەسەرچاوەكان باس لەباشی دۆخی میسی دەكەن‌و جەخت دەكەنەوە، كە ئەو یاریزانە لەسەدا سەد بۆ یارییەكە ئامادەیەو بەشداری یاری كلاسیكۆ دەكات، كە خۆشی ئەوەی دەوێت.

هـ ـ ح






ads

زۆرترین خوێندراوە

  • ڕۆژ
  • هەفتە
  • مانگ
ads
ads

ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved