مانچستەر یونایتید گرێبەستی یاریزانێكی نوێ دەكاتەوە

sharpress.net

273 جار خوێندراوه‌ته‌وه

09/02/2019‌

شارپرێس
یانەی مانچستەر یونایتیدی ئینگلیزی نوێكردنەوەی گرێبەستی یاریزانێكی راگەیاند، ئەوەش تا ساڵی 2023.

یانەی مانچستەر یونایتید گرێبەستی یاریزانی یانەكەی جۆنز لیبقی نوێكردووەتەوە، ئەوەش بەهۆی ئەو ئاستە بەرزەی لەیارییەكان پێشكەشی دەكات.

جۆنز خۆی خواستی بۆ مانەوەی لەیانەی مانچستەر یونایتید راگەیاندووە، كە بۆ هەڵبژاردەی ئینگلتەراش یاری دەكات‌و ئاستێكی بەرز پێشكەش دەكات.

هەروەها یاریزانەكە دڵخۆشی بە نوێكردنەوەی گرێبەستەكەی راگەیاندووەو رایگەیاندووە، هەموو هەوڵێك دەدات لەیارییەكانی داهاتوو ئاستێكی بەرزتر پێشكەش بكات.

جۆنز 208 یاری لەگەڵ یانەی مانچستەر یونایتید ئەنجامداوە، كە تەمەنی 27 ساڵەو جێگەی متمانەی راهێنەری یانە ئینگلیزییەكەیە.

هـ ـ ح







ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved