هەواڵگری سێ وڵات زانایەكی ئەتۆمی ئێران لەوڵاتەكەی دەرباز دەكەن

sharpress.net

1311 جار خوێندراوه‌ته‌وه

11/02/2019‌

شارپرێس:
وەرگێران: حلمی رەسول رەزا
دەزگاكانی راگەیاندی ئیسرائیلی و بەریتانی باسی ئەوەیان كردووە، دەزگا هەواڵگرییەكانی سێ وڵات بەشداربوون لە دەربازكردنی زانایەكی ئەتۆمی ئێرانی لەوڵاتەكەی، ئەوەش بەقۆستنەی هەلی ئەو زنجیرە كۆچەی روو لەئەوروپا دەكەن.

هەریەك لەرۆژنامەكانی "گیروزالیم پۆست"ی ئیسرائیلی و "دیلی میل" و "سندای ئیسبریس"ی بەریتانی بڵاویانكردەوە، كە پرۆسەی پلانی دەربازكردنی زانا ئەتۆمییەكەی ئێران لە ئۆكتۆبەری رابردوو بووەو ناوی زانەكەشیان نەهێناوە.

رۆژنامەكان بڵاویشیانكردەوە، دەزگای هەواڵگری ئیسرائیلی (مۆساد) بە هەماهەنگی لەگەڵ هەردوو دەزگای هەواڵگیری ئەمەریكی (سی ئای ئەی) و بەریتانی (ئێم 16) توانیویانە زانای ئەتۆمی ئێرانی 47 ساڵ لەئێرانەوە بگوێزنەوە توركیا لەكۆتاییەكانی دیسەمبەری رابردوو.

هەروەها رۆژنامەی سێیەم باسی ئەوەی كردووە زانا ئەتۆمییەكە پاش ئەوە هێنراوە بۆ بریتانیا و چەندین پەنابەری تری ئێرانی لەگەڵ بووەو گەیشتوونەتە شاری لیدز لەسەرەتای ئەمساڵدا.

لەم دواییەدا پەنابەرە ئێرانیەكان بۆ بەریتانیا بە شێوەیەكی بەرچاو زیادیكردووە، ئەمەش پاش ئەوەی حكومەتی سربیا رێگەی بەگەشتیارە ئێرانییەكان داوە بچنە خاكی وڵاتەكەی بەبێ ڤیزە و بووەتە هۆكاری ئەوەی ئێرانییەكان ئەم هەلە بقۆزنەوەو بۆ گەیشتن بە ئەوروپا.

دەزگا ئەمنییەكانی بوریتانی دەربارەی دۆخی ئیستای بەرنامە ئەتۆمییەی ئێران پرسیاریان لێكردووە پێش ئەوەی لە رێگەی ئاسمانیەوە بگاتە ویلایەتە یەكگرتووەكانی ئەمەریكا بە گوێرەی زانیاریەكانی رۆژنامەی سێیەم.

رۆژنامەكان باسی ئەوەشیان كردووە ئەو زانایەی رزگار كراوە هاوكار بووە لە تیرۆر كردنی زانای ئەتۆمی ئێرانی "مستەفا ئەحمەدی روشان" لە یەنایری 2012، كە تێیدا تاران دەزگای مۆسادی ئیسرائیلی تۆمەتبار كرد بەوەستان لە پشت ئەم پرۆسەیەوە.

سەرچاوە: sky news






ads

زۆرترین خوێندراوە

  • ڕۆژ
  • هەفتە
  • مانگ
ads
ads

ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved