وردەكاری شەڕی نێوان ئاوارە سورییەكان‌و توركەكان لەئەستەنبوڵ

sharpress.net

397 جار خوێندراوه‌ته‌وه

11/02/2019‌

شارپرێس:
وەرگێران: لوقمان حاجی قادر
ویلایەتی ئەستەمبوڵ ئەوەی ڕەتكردەوە، لە ئێوارەی شەوی شەممە لەپێكهەڵپژانێكی نێوان ئاوارە سوری و هاووڵتییانی توركدا كەس كوژرا بێت‌و رایگەیاند، بەڕێوەبەرایەتی ئاسایش دەستی كردووە بەكۆكردنەوەی زانیاری لەسەر ئەو بابەتانەی لەتۆڕە كۆمەڵایەتییەكان بڵاوكراونەتەوە، كە  ئەگەری ئەوەشیان لێ دەكرێت گرژی و ئاڵۆزی و پشێوییەكان زیاتر بكات.

بەگوێرەی پێگەی "جسر تورك"، كە هەواڵەكەی لە ڕۆژنامەی "خەبەر تورك"ەوە گواستووەتەوە، ئێوارەی شەممە لەویلایەتی "ئەسنیورت" چەند كەسێكی تورك لە دوای هاتنەدەرەوەیان لەئاهەنگێی بوك كواستنەوە لەگەڵ كۆمەڵێك لە ئاوارە سورییەكان پێكهەڵپژاون، لە ئاكامیشدا 3 كەسی تورك بەسوكی برینداربوون، كە گوازراونەوە بۆ نەخۆشخانە، پۆلیسیش 3 ئاوارەی سوری دەستگیر كردووە و ڕێوشوێنی پێویستیشی لەویلایەتەكە گرتووەتەبەر.

ویلایەتی ئەستەمبوڵیش بەیاننامەیەكی لە بارەی ڕووداوەكەوە بڵاوكردووەتەوە و تێیدا جەختی لەسەر ئەوە كردووەتەوە، كە هێزە ئەمنییەكان بە هاوبەشی لەگەڵ بەشێك لەخەڵكی توركیا نەیانهێشتووە ڕووداوەكە تەشەنە بكات. 

هەروەها ئەوەشی ڕەتكردووەتەوە كوژراو هەبنو راشیگەیاندووە، برینداری ئەو كەسانە سوك بووە و دوای وەرگرتنی چارەسەر نەخۆشخانەیان‌ جێهێشتووە.

بەیاننامەی ویلایەتەكە ئاماژەی بەوەش كردووە، كە هەندیك كەس بڵاوكراوەی شتیان لەسەر تۆڕە كۆمەڵایەتییەكان بڵاوكردووەتەوە، دەیانەوێت كرژی و ئاڵۆزی و دوڕدۆنگی لەنێوان تورك و ئاوارە سورییەكاندا بخوڵقێنن، بۆیە یەكسەر بەڕێوەبەرایەتی ئاسایشی ئەلەكترۆنی دەست كردووە بەپشكنین و لێكۆڵینەوە سەبارەت بەو كەسانەی ئەو بڵاوكراوانەیان بڵاوكردووەتەوەو تا ڕێوشوێنی یاساییان لە دژ بگیرێتەبەر.






ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved