‎به‌رهه‌م ساڵح بڕیاری كردنه‌وه‌ی نوسینگه‌ی پاسپۆرتی رانیه‌ی ده‌ركرد

sharpress.net

687 جار خوێندراوه‌ته‌وه

11/02/2019‌

شارپرێس:
سه‌رچاوه‌یه‌ك له‌ نوسینگه‌ی سه‌رۆكایه‌تی كۆماری عێراق رایگه‌یاند، به‌ فه‌رمانی به‌رهه‌م ساڵح نوسینگه‌ی پاسپۆرتی  رانیه‌ ده‌کرێته‌وه و هاوڵاتیانی سنووری ئیداره‌ی راپه‌ڕین له‌و نوسینگه‌یه‌، به‌بێ ئه‌وه‌ی پێویست به‌ گه‌ڕانه‌وه‌ بۆ سلێمانی بکات ده‌توانن پاسپۆرت وه‌ربگرن.

سه‌رچاوه‌یه‌ك له‌ نوسینگه‌ی سه‌رۆكایه‌تی كۆماری عێراق به‌ شارپرێس-ی راگه‌یاند، به‌رهه‌م ساڵح فه‌رمانی کردووه‌ وه‌زاره‌تی ناوخۆ و به‌رێوه‌به‌رایه‌تی گشتی ره‌گه‌زنامه‌و پاسپۆرت و نشینگه‌ی عیراق به‌ زووترین کات رێوشوێنی کردنه‌وه‌ی نوسینگه‌ی پاسپۆرتی رانییه‌ ته‌واو بکه‌ن.

به‌پێی بڕیاره‌كه‌، رۆژی چوارشەممە ‌13-2-2019 به‌ ئاماده‌بونی هه‌یسه‌م فازیل، به‌ڕێوه‌به‌ری گشتی ره‌گه‌زنامه‌و پاسپۆرت و نشینگه‌ی عیراق نوسینگه‌که‌ بکرێته‌وه‌.

‎ئه‌و سه‌رچاوه‌یه‌ رونیکرده‌وه‌، "به‌رهه‌م ساڵح پشتیوانی جێبه‌جێکردنی داخوازی و ده‌سته‌به‌رکردنی مافه‌ ده‌ستوریه‌کانی خه‌ڵکی هه‌رێم ده‌بێت، وه‌ک چۆن هه‌وڵیدا به‌شی هه‌رێم و مووچه‌ی فه‌مانبه‌ر و مووچه‌ خۆرانی کوردستان له‌ بودجه‌ی عیراق جێگیر بکرێت، که‌ به‌هۆیه‌وه‌ کوردستان له‌ گرفتی پاشه‌که‌وت و دواکه‌وتنی مووچه‌ رزگاری ده‌بێت".
ه.م





ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved