سلێمانی.. پارەی ئاو بەسیستەمی نوێ‌ لەهاووڵاتیان وەردەگیرێت

sharpress.net

563 جار خوێندراوه‌ته‌وه

14/02/2019‌

شارپرێس: سیڤان ئازاد
دوای دوو مانگ لە دانانی پێوەری ئاو بۆ ماڵان لەسلێمانی، بڕیارە لەمەولا بەسیستەمی نوێ‌ پارە لەهاووڵاتیانی شارەكە وەربگرێت.

سەربەست عوسمان، بەڕێوبەری فەرمانگەی ئاوی سلێمانی بەشارپرێسی ڕاگەیاند، ئەو پارەیەی ئێستا لەهاووڵاتیان وەردەگیرێت بەپێی ڕووبەرە، پارەی مانگی 9 و 10ی ساڵی ٢٠١٨ لەلایەن كۆمپانیاوە كۆدەكرێتەوە، ئەوەش بەپێی ئەو گرێبەستەی، كە لەنێوان كۆمپانیاكەو حكومەت هەیە.

سەربەست عوسمان راشیگەیاند، پارەی مانگەكانی 11 و 12ی ساڵی رابردوو، ئەم دوو مانگەی ئەمساڵیش، بە سیستەمی نوێ‌ وەردەگرێت، كە ئەویش خوێندنەوەی ئەو پێوەرانەیە، كە بۆ ماڵان‌و بەشداربووان دانراوە.

چەند مانگێكە بەرێوەبەرایەتی ئاوی سلێمانی داوای لەهاووڵاتیان كردووە، كە لەماڵەكانیان پێوەری زیرەك ببەستن، بۆ ئەوەی پارە بەپێی خوێندنەوەی پێوەرەكە لەبەرانبەر بەكارهێنانی ئاو وەربگیرێت.

سەبارەت بەوەی ئایا پارەی ئاو و كارەبا بۆ فەرمانبەران دەخرێتە بری پارەی موچەی پاشەكەوتكراوی فەرمانبەران؟ بەرێوەبەری ئاوی سلێمانی رایگەیاند، نەخێر قەرزەكان وەكو خۆی ماوە پێویستە وەزارەتی دارایی و شارەوانی بڕیار لەو بارەیەوە بدەن تابتوانین ئێمەش وەك ئەوەی هەیە جێبەجێی بكەین.






ads

زۆرترین خوێندراوە

  • ڕۆژ
  • هەفتە
  • مانگ
ads
ads

ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved